Innlent

Viljayfirlýsing Icelandair gerir ráð fyrir fimm rafknúnum flugvélum

Kristján Már Unnarsson skrifar
ES-30 flugvélin teiknuð í litum Icelandair.
ES-30 flugvélin teiknuð í litum Icelandair. Teikning/Heart Aerospace

Icelandair gerir ráð fyrir að fá fimm rafmagnsflugvélar í innanlandsflugið í viljayfirlýsingu, sem félagið skrifaði undir í síðustu viku. Ráðamenn Icelandair telja raunhæft að orkuskiptin í farþegafluginu hefjist fyrir lok þessa áratugar.

Í fréttum Stöðvar 2 var sýnt tölvuteiknað myndband af fyrirhugaðri ES-30 flugvél Heart Aerospace í litum Icelandair. Sænski frumkvöðullinn Anders Forslund, stofnandi og forstjóri Heart, kynnti flugheiminum í síðustu viku grind að þrjátíu sæta flugvél. Sú verður uppfærð útgáfa af nítján sæta vél, ES-19, sem fyrirtækið hafði áður stefnt að.

Byrjað er að smíða frumeintakið í flugvélaverksmiðju Heart Aerospace í Gautaborg í Svíþjóð.Heart Aerospace

Jafnframt var skýrt frá því að flugvélin yrði tvinnvél en ekki eingöngu rafmagnsflugvél og að hún myndi einnig geta gengið á sjálfbæru flugvélaeldsneyti. Ennfremur að stofnaður hefði verið fagráðsvettvangur með ýmsum aðilum í fluginu um þróun hennar.

„Icelandair er þar þátttakandi ásamt fleiri flugrekendum, flugvöllum og fleiri. Þar er hugmyndin að það sé hægt að nýta þessa miklu reynslu sem skapast bara í umhverfi flugs til að tryggja örugga og áreiðanlega þróun flugvélarinnar,“ segir vélaverkfræðingurinn Heiða Njóla Guðbrandsdóttir, aðstoðarframkvæmdastjóri rekstrarsviðs Icelandair.

Heiða Njóla Guðbrandsdóttir er aðstoðarframkvæmdastjóri rekstrarsviðs Icelandair.Arnar Halldórsson

Icelandair og Heart Aerospace kynntu í fyrra samstarf um minni vélina en undirrituðu nýja viljayfirlýsingu síðastliðinn fimmtudag um þá stærri. Sænska fyrirtækið birti myndir af vélinni í útliti Icelandair þegar kynnt var hvaða flugfélög hefðu lýst áhuga á að kaupa hana.

„Þetta sem við gefum út er í raun yfirlýsing um áhuga á þróun flugvélarinnar og við nefnum fimm vélar til samræmis við flota okkar í innanlandsflugi í dag. Og svo er það verkefni okkar núna að meta hvernig þetta verkefni hæfir rekstrinum í framtíðinni.“

Frá kynningarfundi Heart Aerospace í Gautaborg í síðustu viku. Forstjóri SAS, Anko Van der Werff, á sviðinu en skandinavíska flugfélagið er í hópi þeirra sem stefna að því að kaupa flugvélina.Heart Aerospace

Heart Aerospace stefnir að því að þeirra vél verði komin í farþegaflug árið 2028, eftir sex ár. En hvenær telja ráðamenn Icelandair raunhæft að slíkar vélar sjáist í innanlandsfluginu á Íslandi?

„Það er horft til tækifæra tengt rafmagnsflugi og raunar vetnisflugi á þessum áratug. Það er eitthvað sem við teljum mögulega þróun.“

-Þannig að fyrir 2030 gætum við séð jafnvel svona vél á Reykjavíkurflugvelli?

„Það er mögulegt, já,“ svarar Heiða Njóla.

Hér má sjá frétt Stöðvar 2:

Hér má sjá beina útsendingu Stöðvar 2 frá flugvellinum á Hellu í sumar þegar fyrsta rafmagnsflugvél Íslendinga hóf sig til flugs í fyrsta sinn á Íslandi:

Icelandair Fréttir af flugi Orkuskipti Orkumál Loftslagsmál Umhverfismál Reykjavíkurflugvöllur Svíþjóð Samgöngur

Tengdar fréttir

Icelandair stefnir núna á þrjátíu sæta rafmagnsflugvél fyrir innanlandsflug

Rafmagnsflugvélin, sem Icelandair tilkynnti á föstudag að félagið hygðist taka þátt í að þróa með Heart Aerospace, verður uppfærð útgáfa af minni vél, sem sænski flugvélaframleiðandinn var búinn að vera með í þróun. Stefnt er að því að nýja flugvélin verði komin í farþegaflug árið 2028, eftir sex ár.

For­setinn fyrstur far­þega í raf­magns­flug­vél

Blað var brotið í íslenskri flugsögu í gær með fyrsta farþegaflugi rafmagnsflugvélar hér á landi. Forseti Íslands og forsætisráðherra voru fyrstu farþegar vélarinnar og segja flugið marka vatnaskil í vegferð Íslands í átt að hreinni orku í loftsamgöngum. 

Flugvélin sem gæti orðið sú fyrsta rafknúna hjá Icelandair

Ráðamenn Icelandair telja að vetnis- og rafmagnsflugvélar geti orðið raunhæfur kostur í innanlandsfluginu á fáum árum og hafa skrifað undir tvær viljayfirlýsingar við erlend fyrirtæki með það að markmiði að verða á meðal fyrstu flugfélaga heims til að gera innanlandsflug kolefnislaust.

Mest lesið


Fleiri fréttir

Sjá meira


×

Mest lesið