Íbúar í Vesturbæ orðnir gráhærðir vegna langvarandi gatnaframkvæmda Jakob Bjarnar skrifar 13. september 2022 15:06 Gatnaframkvæmdir við Framnesveg eru að gera íbúa í Vesturbænum brjálaða. vísir/vilhelm Gatnaframkvæmdir í Vesturbænum hafa nú staðið yfir von úr viti og er þolinmæði íbúa á þrotum. Þeir segja að hvorki gangi né reki með verkið. Dæmi eru um að fólk hafi sprengt dekk á bílum sínum þegar þeir hafa verið að þæfa sig yfir járnplanka sem settur hefur verið skurð á Framnesveig. Á Facebook-hópi Vesturbæjar má sjá að íbúar eru orðnir afar gramir vegna framkvæmdanna. Freyr Rögnvaldsson blaðamaður, íbúi við Framnesveg, ritar harðorðan pistil sem hann birti þar fyrir nokkrum dögum, opið bréf til Veitna og Veitur þjónustu. Erfitt er að komast leiðar sinnar vestur í bæ um þessar mundir og hefur svo verið um hríð.vísir/vilhelm „Mér leikur hugur á að vita hvort Veitur ætli sér að láta Framnesveg í Vesturbænum standa sundurgrafinn langt fram á vetur eða hvort þið hafið hug á að taka ykkur saman í andlitinu og ganga frá framkvæmdum þar svo sómi sé að?“ spyr Freyr. Hann fylgdi bréfi sínu eftir með hringingu í Veitur í gær og fékk svo símtal frá ábyrgðarmanni framkvæmdanna í morgun þar sem honum var lofað því að skurðinum yrði lokið innan tíðar. Íbúar vestur í bæ taka því loforði með fyrirvara, að fenginni reynslu. Viktoría sprengir dekk á bíl sínum Freyr birti myndir með pistli sínum sem sýna að þar er harnær ófært fyrir fólk, gangandi eða hjólandi, á gatnamótum Framnesvegar og Hringbrautar. Og þeir sem eru á hjólastól komast ekki þar um. „Brýr sem settar eru yfir skurðina sem þið hafið grafið eru fáránlega brattar og ekkert hugað að því að fletja út rampana upp á þá, auk þess sem þær eru mjög mjóar. Það er óþolandi og til skammar fyrir hvern sem er, en fyrir fyrirtæki í almannaeigu er það glæpsamleg vanræksla.“ Glæpsamleg vanræksla, segir Freyr Rögnvaldsson íbúi við Framnesveg.vísir/vilhelm Athugasemdir láta ekki á sér standa og ljóst er að íbúar eru afar ósáttir. Jón Páll Ásgeirsson segir Framnesveginn hafa verið áralangt vandamál og þarna sé aldrei sálu við störf að sjá. „Þessi skurður yfir götuna við Hringbraut dýpkar stöðugt og endar með ósköpum,“ segir Jón Páll. Og það var einmitt það sem henti Viktoríu Hermannsdóttir útvarps- og sjónvarpskona sem skar dekk á bíl sínum þar. Á versta tíma því hún var þá á þönum við að undirbúa brúðkaup sitt og Sóla Hólm skemmtikrafts. Látið af sleifarlaginu! Framkvæmdir við götuna hafa staðið yfir frá því snemma í sumar og þarna hefur nú verið opinn skurður síðan 18. ágúst. „Ekki hefur sést nokkur maður í vinnu á svæðinu frá því um miðja síðustu viku. Handrið eru laus og valda stórhættu á því að fólk detti,“ segir Freyr í áðurnefndu bréfi sínu. Og hann heldur áfram að lýsa aðstæðum: Íbúar segjast hafa fullan skilning á því að farið sé í framkvæmdir og lagfæringar. Annað mál sé hversu ofboðslega langan tíma þær hafa tekið.vísir/vilhelm „Gangstétt á Framnesvegi milli Hringbrautar og Grandavegs er ónothæf vestan megin og austan megin er hún ekki til staðar heldur aðeins grófur ofaníburður, sem rýkur úr í roki, er illfær, skemmir dekk á hjólum, barnavögnum og hjólastólum, auk þess sem fólk sem á erfitt með gang, aldraðir til að mynda, geta illa eða ekki gengið þarna,“ segir Freyr sem krefst þess að þeir sem að framkvæmdum standi sendi mannskap þegar á vettvang og ljúki þessu verki. „[Verki] sem ég hef fullan skilning á að þurfi að vinna. Ég get hins vegar ekki sætt mig við sleifarlagið sem á þessu er.“ Skipulag Samgöngur Reykjavík Mest lesið Útlit fyrir mestu snjókomu í október í manna minnum Innlent Erfitt að segja til um viðbrögð við nýjum faraldri miðað við Covid-viðbrögð Innlent Um 140 umsækjendur um alþjóðlega vernd týndir og eftirlýstir Innlent Allt að þriggja tíma bið í dekkjaskipti Innlent Matarbankar segjast ekki munu anna eftirspurninni Erlent Hófu ekki rannsókn á heimilisofbeldi fyrir misskilning Innlent Komu innlyksa mæðginum til bjargar í Landmannalaugum Innlent Ófremdarástandi lýst: Þrír stjórar í leyfi, einelti og hrun í starfsánægju Innlent Hafa fundið Cessna-vélina Erlent Garðheimar ljósið í myrkrinu við meinta gímaldsgötu Innlent Fleiri fréttir Ófremdarástandi lýst: Þrír stjórar í leyfi, einelti og hrun í starfsánægju Bíða í allt að þrjá tíma: „Ætli það sé ekki bara helvítis veðurspáin“ Alger óvissa í lánamálum og margra tíma bið eftir dekkjaskiptum Kláfur á Ísafirði fari í opinbera kynningu Hófu ekki rannsókn á heimilisofbeldi fyrir misskilning Erfitt að segja til um viðbrögð við nýjum faraldri miðað við Covid-viðbrögð Allt að þriggja tíma bið í dekkjaskipti Komu innlyksa mæðginum til bjargar í Landmannalaugum Um 140 umsækjendur um alþjóðlega vernd týndir og eftirlýstir Garðheimar ljósið í myrkrinu við meinta gímaldsgötu Útlit fyrir mestu snjókomu í október í manna minnum Brennu–Njáls saga vekur alltaf lukku í Hvolsskóla Bresk freigáta í Akureyrarhöfn Beittur piparúða í fangaklefa, hótað með rafbyssu og sveltur Beittur piparúða, hótað með rafbyssu og sveltur í fangaklefa Sendiferðabíll í ljósum logum á Reykjanesbraut Íris segist ekki sækjast eftir sæti í Hafnarfirði Ástarbréf eru velkomin á héraðsskjalasöfn landsins Nafn mannsins sem lést vegna voðaskots Hinna látnu minnst í Flateyrarkirkju Sorg á Flateyri og rússnesk kjarnorkueldflaug Er enn að vinna úr því að hafa lifað Pirraðir læknar, efnahagurinn eftir áföll og húsnæði og lánakjör Reyndi að stinga af en endaði utan í vegriði Kynferðisbrotum sem leiða til greiðslu bóta hefur fjölgað verulega Fólk hafi dreymt um að eignast flugstjóradress Áhugasamir smalahundar á námskeiði Eldur í bíl á Seltjarnarnesi Meirihluti fólks geti ekki keypt íbúð í nýju lánakerfi sem sé að teiknast upp Nánast enginn fái að kaupa íbúð Sjá meira
Dæmi eru um að fólk hafi sprengt dekk á bílum sínum þegar þeir hafa verið að þæfa sig yfir járnplanka sem settur hefur verið skurð á Framnesveig. Á Facebook-hópi Vesturbæjar má sjá að íbúar eru orðnir afar gramir vegna framkvæmdanna. Freyr Rögnvaldsson blaðamaður, íbúi við Framnesveg, ritar harðorðan pistil sem hann birti þar fyrir nokkrum dögum, opið bréf til Veitna og Veitur þjónustu. Erfitt er að komast leiðar sinnar vestur í bæ um þessar mundir og hefur svo verið um hríð.vísir/vilhelm „Mér leikur hugur á að vita hvort Veitur ætli sér að láta Framnesveg í Vesturbænum standa sundurgrafinn langt fram á vetur eða hvort þið hafið hug á að taka ykkur saman í andlitinu og ganga frá framkvæmdum þar svo sómi sé að?“ spyr Freyr. Hann fylgdi bréfi sínu eftir með hringingu í Veitur í gær og fékk svo símtal frá ábyrgðarmanni framkvæmdanna í morgun þar sem honum var lofað því að skurðinum yrði lokið innan tíðar. Íbúar vestur í bæ taka því loforði með fyrirvara, að fenginni reynslu. Viktoría sprengir dekk á bíl sínum Freyr birti myndir með pistli sínum sem sýna að þar er harnær ófært fyrir fólk, gangandi eða hjólandi, á gatnamótum Framnesvegar og Hringbrautar. Og þeir sem eru á hjólastól komast ekki þar um. „Brýr sem settar eru yfir skurðina sem þið hafið grafið eru fáránlega brattar og ekkert hugað að því að fletja út rampana upp á þá, auk þess sem þær eru mjög mjóar. Það er óþolandi og til skammar fyrir hvern sem er, en fyrir fyrirtæki í almannaeigu er það glæpsamleg vanræksla.“ Glæpsamleg vanræksla, segir Freyr Rögnvaldsson íbúi við Framnesveg.vísir/vilhelm Athugasemdir láta ekki á sér standa og ljóst er að íbúar eru afar ósáttir. Jón Páll Ásgeirsson segir Framnesveginn hafa verið áralangt vandamál og þarna sé aldrei sálu við störf að sjá. „Þessi skurður yfir götuna við Hringbraut dýpkar stöðugt og endar með ósköpum,“ segir Jón Páll. Og það var einmitt það sem henti Viktoríu Hermannsdóttir útvarps- og sjónvarpskona sem skar dekk á bíl sínum þar. Á versta tíma því hún var þá á þönum við að undirbúa brúðkaup sitt og Sóla Hólm skemmtikrafts. Látið af sleifarlaginu! Framkvæmdir við götuna hafa staðið yfir frá því snemma í sumar og þarna hefur nú verið opinn skurður síðan 18. ágúst. „Ekki hefur sést nokkur maður í vinnu á svæðinu frá því um miðja síðustu viku. Handrið eru laus og valda stórhættu á því að fólk detti,“ segir Freyr í áðurnefndu bréfi sínu. Og hann heldur áfram að lýsa aðstæðum: Íbúar segjast hafa fullan skilning á því að farið sé í framkvæmdir og lagfæringar. Annað mál sé hversu ofboðslega langan tíma þær hafa tekið.vísir/vilhelm „Gangstétt á Framnesvegi milli Hringbrautar og Grandavegs er ónothæf vestan megin og austan megin er hún ekki til staðar heldur aðeins grófur ofaníburður, sem rýkur úr í roki, er illfær, skemmir dekk á hjólum, barnavögnum og hjólastólum, auk þess sem fólk sem á erfitt með gang, aldraðir til að mynda, geta illa eða ekki gengið þarna,“ segir Freyr sem krefst þess að þeir sem að framkvæmdum standi sendi mannskap þegar á vettvang og ljúki þessu verki. „[Verki] sem ég hef fullan skilning á að þurfi að vinna. Ég get hins vegar ekki sætt mig við sleifarlagið sem á þessu er.“
Skipulag Samgöngur Reykjavík Mest lesið Útlit fyrir mestu snjókomu í október í manna minnum Innlent Erfitt að segja til um viðbrögð við nýjum faraldri miðað við Covid-viðbrögð Innlent Um 140 umsækjendur um alþjóðlega vernd týndir og eftirlýstir Innlent Allt að þriggja tíma bið í dekkjaskipti Innlent Matarbankar segjast ekki munu anna eftirspurninni Erlent Hófu ekki rannsókn á heimilisofbeldi fyrir misskilning Innlent Komu innlyksa mæðginum til bjargar í Landmannalaugum Innlent Ófremdarástandi lýst: Þrír stjórar í leyfi, einelti og hrun í starfsánægju Innlent Hafa fundið Cessna-vélina Erlent Garðheimar ljósið í myrkrinu við meinta gímaldsgötu Innlent Fleiri fréttir Ófremdarástandi lýst: Þrír stjórar í leyfi, einelti og hrun í starfsánægju Bíða í allt að þrjá tíma: „Ætli það sé ekki bara helvítis veðurspáin“ Alger óvissa í lánamálum og margra tíma bið eftir dekkjaskiptum Kláfur á Ísafirði fari í opinbera kynningu Hófu ekki rannsókn á heimilisofbeldi fyrir misskilning Erfitt að segja til um viðbrögð við nýjum faraldri miðað við Covid-viðbrögð Allt að þriggja tíma bið í dekkjaskipti Komu innlyksa mæðginum til bjargar í Landmannalaugum Um 140 umsækjendur um alþjóðlega vernd týndir og eftirlýstir Garðheimar ljósið í myrkrinu við meinta gímaldsgötu Útlit fyrir mestu snjókomu í október í manna minnum Brennu–Njáls saga vekur alltaf lukku í Hvolsskóla Bresk freigáta í Akureyrarhöfn Beittur piparúða í fangaklefa, hótað með rafbyssu og sveltur Beittur piparúða, hótað með rafbyssu og sveltur í fangaklefa Sendiferðabíll í ljósum logum á Reykjanesbraut Íris segist ekki sækjast eftir sæti í Hafnarfirði Ástarbréf eru velkomin á héraðsskjalasöfn landsins Nafn mannsins sem lést vegna voðaskots Hinna látnu minnst í Flateyrarkirkju Sorg á Flateyri og rússnesk kjarnorkueldflaug Er enn að vinna úr því að hafa lifað Pirraðir læknar, efnahagurinn eftir áföll og húsnæði og lánakjör Reyndi að stinga af en endaði utan í vegriði Kynferðisbrotum sem leiða til greiðslu bóta hefur fjölgað verulega Fólk hafi dreymt um að eignast flugstjóradress Áhugasamir smalahundar á námskeiði Eldur í bíl á Seltjarnarnesi Meirihluti fólks geti ekki keypt íbúð í nýju lánakerfi sem sé að teiknast upp Nánast enginn fái að kaupa íbúð Sjá meira