Hollendingar hituðu upp fyrir leikinn gegn Íslandi með sigri

Eins og við var að búast var mikið um skiptingar og augljóst að þjálfari hollenska liðsins hafði engan áhuga á því að sjá leikmenn sína meiðast fyrir leikinn mikilvæga gegn Íslendingum.

Vivianne Miedema kom Hollendingum í forystu strax á tíundu mínútu leiksins áður en Claire Emslie jafnaði metin fyrir Skota tveimur mínútum síðar og staðan því 1-1 þegar flautað var til hálfleiks.

Það var svo Fenna Kalma sem kom Hollendingum í forystu á ný á lokamínútum leiksins og sigur Hollendinga í höfn.

Lokatölur því 1-1 og Hollendingar mæta íslenska liðinu með jafntefli á bakinu. Leikur Hollands og Íslands fer fram í Hollandi næstkomandi þriðjudag klukkan 18:45 að íslenskum tíma og verður honum lýst í beinni textalýsingu hér á Vísi.