Innlent

Ólafur settur for­stjóri Skipu­lags­stofnunar

Atli Ísleifsson skrifar
Ólafur Árnason hefur gegnt stöðu forstöðumanns nýsköpunar og þróunar hjá Skipulagsstofnun.
Ólafur Árnason hefur gegnt stöðu forstöðumanns nýsköpunar og þróunar hjá Skipulagsstofnun. Skipulagsstofnun

Sigurður Ingi Jóhannsson innviðaráðherra hefur sett Ólaf Árnason, forstöðumann nýsköpunar og þróunar hjá Skipulagsstofnun, í embætti forstjóra stofnunarinnar frá 1. september til 31. desember 2022.

Ólafur tekur við stöðunni af Ásdísi Hlökk Theodórsdóttir sem lét af störfum í dag eftir að hafa gegnt embætti forstjóra Skipulagsstofnunar frá árinu 2013. Hún hyggst nú stunda kennslu og rannsóknir í doktorsnámi við Háskóla Íslands. 

„Ólafur er með meistaragráðu í umhverfismati, umhverfisstjórnun og skipulagsmálum frá Oxford Brookes háskóla og MPM gráðu í verkefnisstjórnun frá Háskólanum í Reykjavík.

Ólafur hefur starfað að skipulagsmálum og umhverfismati síðustu tvo áratugi - innan stjórnsýslunnar, við ráðgjöf, kennslu og rannsóknir. 

Síðastliðin tvö ár hefur Ólafur starfað sem forstöðumaður nýsköpunar og þróunar hjá Skipulagsstofnun og staðgengill forstjóra,“ segir í tilkynningunni.

Vistaskipti Stjórnsýsla Skipulag Ríkisstjórn Katrínar Jakobsdóttur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið