Tekin verður ákvörðun um opnanir á svæðinu klukkan hálf níu í fyrramálið.Vísir/Vilhelm
Gossvæðið í Meradölum verður áfram lokað í kvöld og í nótt. Tekin verður ákvörðun um hvenær svæðið verður opnað á fundi viðbragðsaðila klukkan hálf níu í fyrramálið.
Þetta kemur fram í tilkynningu frá lögreglustjóranum á Suðurnesjum.
Í gær var greint frá því að svæðinu yrði lokað í dag vegna slæms veður. Spáð var fimmtán til 23 metrum á sekúndu og talsverðri rigningu í dag og er spáin fyrir kvöldið og nóttina lítið skárri.
Gular veðurviðvaranir eru við gildi bæði við Faxaflóa og á miðhálendinu. Í morgun var einnig gul viðvörun á Suðurlandi en henni hefur verið aflétt.
Lokað er inn á gossvæðið í Meradölum í dag og verða allir sem ætla Suðurstrandarveginn stoppaðir og rætt við þá. Spáð er vonskuveðri í dag, allt að 23 metrum á sekúndu ásamt talsverðri rigningu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
