Fótbolti

Fylkir á topp Lengju­deildar eftir sigur á Þór

Atli Arason skrifar
Niklúas Val Gunnarsson skoraði tvö mörk fyrir Fylki
Niklúas Val Gunnarsson skoraði tvö mörk fyrir Fylki Vilhelm

Fylkismenn tóku toppsæti Lengjudeildarinnar af Selfossi með 4-0 stórsigri á Þór frá Akureyri. Leikið var í Árbænum en öll fjögur mörkin komu á síðustu tuttugu mínútum leiksins.

Nýjasta viðbót Fylkismanna og lánsmaðurinn frá KR, Emil Ásmundsson, kom inn á sem varamaður á 70. mínútu leiksins. Emil kom inn á í kjölfar fyrsta mark Fylkis sem Benedikt Daríus Garðarsson skoraði.

Óskar Borgþórsson tvöfaldaði svo forystu Fylkis u.þ.b. níu mínútum síðar.

Nikulás Val Gunnarsson gerði svo síðustu tvö mörk leiksins á 83. og 91. mínútu og þar við sat. Lokatölur 4-0 fyrir Fylki sem fer í 18 stig, jafn mörg stig og Selfoss en Fylkir er með betri markatölu upp á níu mörk.

Úrslit um markaskorara og stöðutöflu koma af vef KSÍ.

 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.