Erlent

Cheer-stjarna dæmd í tólf ára fangelsi fyrir barna­níð

Bjarki Sigurðsson skrifar
Harris skaust upp á stjörnuhimininn eftir að hafa komið fram í þáttunum Cheer á Netflix.
Harris skaust upp á stjörnuhimininn eftir að hafa komið fram í þáttunum Cheer á Netflix. Getty/Jim Spellman

Cheer-stjarnan Jeremiah „Jerry“ Harris hefur verið dæmdur í tólf ára fangelsi fyrir að taka á móti barnaklámi og ferðast yfir ríkismörk til að stunda ólöglegt kynlífsathæfi.

Í febrúar á þessu ári játaði Harris brot sín en hann var handtekinn í Chicago árið 2020. Hann mun sitja inni í alríkisfangelsi í tólf ár og vera í átta ár eftir það undir eftirliti dómstóla. CNN greinir frá.

Brotin sem Harris játar á sig er að hafa greitt sautján ára dreng fyrir að senda sér nektarmyndir og hafa ferðast til Flórída til að misnota fimmtán ára dreng.

Cheer-þættirnir eru heimildaþættir sem fylgja klappstýruliði frá Navarro College í Corsicana í Texas-ríki. Þættirnir komu út í janúar árið 2020 og var Harris handtekinn nokkrum mánuðum síðar.

Í annarri þáttarröð Cheer sem kom út í fyrra er greint frá ásökunum á hendur Harris og viðtöl við tvö af fórnarlömbum hans sýnd.

Kynferðisofbeldi Netflix Bandaríkin

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið