Jarðskjálfti í Bárðarbungu af stærðinni 3,5

Ólafur Björn Sverrisson skrifar 29. júní 2022 11:01

Jarðskjálfti af stærðinni 3,5 varð í Bárðarbungu klukkan 08:16 í morgun.

Að sögn Bryndísar Ýrar Gísladóttur, náttúruvásérfræðingi á Veðurstofu Íslands, er skjálftavirknin nokkuð eðlileg.

„Við fáum alveg skjálfta á þessu svæði annað slagið, bæði minni og stærri. Við erum að fá þessa skjáfta yfir þrjá og fjóra. Það er misjafnt hve langt á milli en þeir hafa alveg verið að koma eftir gos.“

Bárðarbunga gaus síðast í lok árs 2014. Bryndís segir skjálftavirknina ekki merki um gosóróa.

Áframhaldandi skjálftavirkni er á Reykjanesskaga en flestallir skjálftar þar eru þó litlir. Erfitt sé að spá fyrir um framhaldið þar, segir Bryndís.

Eldgos og jarðhræringar Náttúruhamfarir Vatnajökulsþjóðgarður Bárðarbunga

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.