Tíska og hönnun

Kanye West hannar nýjar umbúðir fyrir McDonalds

Ása Ninna Pétursdóttir skrifar
Mikil leynd virðist hvíla yfir nýju samstarfi tónlistarmannsins Kanye West og skyndibitakeðjunnar McDonalds.
Mikil leynd virðist hvíla yfir nýju samstarfi tónlistarmannsins Kanye West og skyndibitakeðjunnar McDonalds. Samsett mynd

Tónlistarmaðurinn Kanye West, hefur í samstarfi við hönnuðinn Naoto Fukasawa, endurhannað umbúðir fyrir skyndibitakeðjuna McDonalds.

Tilkynnti samstarfið á Instagram og eyddi svo færslunni

Hönnunarveftímaritið Dezeen greindi frá samstarfinu í síðustu viku en Kanye, nú kallaður Ye, birti mynd af umbúðunum á Instagram síðu sinni með skilaboðunum, „next week it's the fries“ sem er texti úr lagi hans Gold Digger. 

Færslunni eyddi hann að sjálfsögðu svo stuttu síðar eins og virðist vera stíllinn hans núna á Instagram. 

Vill færa út kvíarnar

Samkvæmt Naoto Fukasawa segir hann Ye fyrst hafa nálgast sig árið 2020 til að lýsa yfir áhuga sínum að stíga inn í heim vöruhönnunar en tónlistarmaðurinn hannar í dag föt og skó fyrir tískumerkið sitt Yeeze.

„Hann bað mig einnig um að hanna með sér kaffihús og bari þar sem fólk gæti sest niður, borðað og drukkið svo að það er greinilegt að sjá að hann vill reyna fyrir sér í veitingaheiminum.“

Engin opinber yfirlýsing hefur komið frá McDonalds sem staðfestir þó samstarfið í samtali við Dezeen en mikil leynd virðist því hvíla yfir því hvort og hvenær nýju umbúðirnar munu líta dagsins ljós.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.