Körfubolti

Engin gert fleiri þrennur í WNBA-deildinni

Runólfur Trausti Þórhallsson skrifar
Candace Parker er engri lík.
Candace Parker er engri lík. Rich von Biberstein/Getty Images

Hin 36 ára gamla Candace Parker skráði sig á spjöld sögunnar er lið hennar Chicago Sky rúllaði yfir Los Angeles Sparks, 82-59. Parker gerði þrefalda tvennu og hefur þar með gert flestar þrennur í sögu deildarinnar.

Parker og stöllur hennar í Chicago Sky eru ríkjandi meistarar og tróna þær sem stendur á toppi Austurdeildarinnar. Mótstaðan í nótt var ekki mikil og var leikurinn svo gott sem búinn í hálfleik, staðan þá 54-25 Chicago Sky í vil.

Leiknum lauk með þægilegum 23 stiga sigri Chicago-liðsins og Parker skráði sig á sama tíma á spjöld sögunnar. Með því að skora 10 stig, gefa 10 stoðsendingar og taka 14 fráköst er Parker orðin þrennuhæsti leikmaður WNBA-deildarinnar frá upphafi.

Þessi 1.93 metra hái miðherji hefur fór illa með fyrrum samherja sína en hún lék með Sparks frá 2008 til 2020. Skipti hún yfir til Chicago á síðasta ári og varð meistari með liðinu.

Parker hefur tvívegis unnið WNBA-deildina, einu sinni verið kosin besti leikmaður úrslitaeinvígisins og tvisvar verið kosin besti leikmaður deildarinnar í heild sinni.

Hún bætir nú enn einni rósinni í hnappagatið með nýjasta afreki sínu.

NBA



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.