Í upphafsræðu þáttarins fór Ellen meðal annars yfir þær breytingar sem hafa orðið í samfélaginu síðan hún steig fyrst á svið.

Hvert fór tíminn?

„Guð! Það er eins og ég sé að kreista allt til þess að halda þessu öllu inni. Hvert fara nítján ár? Ég skil ekki neitt,“ 

sagði Jennifer þegar hún kom í þáttinn. Þær fóru yfir fyrsta skiptið þegar hún kom í þáttinn þar sem þær ræddu meðal annars í hvaða átt þær vilja hafa klósettpappírinn sinn en töluðu einnig um framtíðina þar sem Jennifer sagðist vilja sjá Ellen með uppistand eða að leika líkt og eiginkona Ellen Portia de Rossi hefur lýst yfir að vilja sjá. 

Því næst kynnti hún inn myndband sem starfsmenn þáttarins höfðu sett saman af Ellen frá fyrsta degi. Ellen þakkað öllum sem koma að þættinum: „Þið umvefjið mig með svo mikilli ást og stuðning. Þið hlúið að mér og funduð leið til þess að láta mig skína skærar en ég gæti gert sjálf. 

Þið hjálpið mér að vera upp á mitt besta. Ég elska ykkur meira en ég get komið í orð.“

Í síðasta skipti

Í þætttinum komu fram stórstjörnur eins og Pink sem samdi Emmy verðlaunaða þemalag þáttarins og Billie Eilish sem var aðeins eins árs þegar þættirnir fóru upphaflega af stað. 

Síðustu vikur hafa gestir verið að koma til Ellen í sína síðustu heimsókn. Meðal annars kíkti Oprah Winfrey við sem sagðist skilja vel hversu erfitt það væri að kveðja slíkan þátt og fjölskylduna sem verður til við það að framleiða hann. Hún sjálf með þátt sem gekk í tuttugu og fimm þáttaraðir.

Einnig komu til hennar Sophia Grace og Rosie sem settu inn myndband sem fór eins og eldur í sinu um netheiminnárið árið 2011. Í kjölfarið komu þær til Ellen og sungu Superbass með Nicki Minaj sjálfri og hafa verið reglulegir gestir síðan. Aðdáendur þáttanna ætluðu varla að trúa því hversu fullorðnar þær væru orðnar.

Kelly Clarkson tekur við af Ellen

Kelly mun vera með spjallþáttinn sinn á sama tíma og Ellen hefur verið með sína þætti á  sjónvarpsstöðinni NBC. Söngkona hefur nú þegar verið með tvær seríur af Kelly Clarkson þættinum og gengur vel. Þátturinn mun fara í gegnum endurbætur áður en hann tekur við plássinu. 

Síðustu ár hefur Kelly meðal annars verið dómari í The Voice og kynnir í bandaríska Eurovision. 

Kvaddi með tárvot augu

Í lok þáttarins kvaddi Ellen áhorfendur með tárvot augu og hélt ræðu sem minnti á ræðuna sem hún hélt í lok fyrsta þáttarins og var uppsetningin sú sama. 

„Til ykkar allra sem hafa fylgst með mér og stutt mig, takk kærlega fyrir þennan vettvang,“ sagði hún. „Og ég vona að síðustu 19 ár hafi ég glatt þig og að ég hafi getað tekið smá sársauka frá slæmum dögum eða einhverju sem þú ert að ganga í gegnum. Og ég vona að mér hafi tekist að hvetja þig til að gleðja annað fólk og gera gott í heiminum, til að finnast þú hafa tilgang.

„Og ég hef sagt það áður, en ég segi það aftur: Ef ég hef gert eitthvað á undanförnum 19 árum, vona ég að ég hafi hvatt þig til að vera þú, þitt sanna, ekta sjálf. Og ef einhver er nógu hugrakkur til að segja þér hver hann er, vertu nógu hugrakkur til að styðja hann, jafnvel þótt þú skiljir það ekki. Þeir eru að sýna þér hverjir þeir eru og það er stærsta gjöfin sem nokkur getur gefið þér. 

„Með því að opna hjarta þitt og huga, muntu verða miklu samúðarfyllri - og samúð er það sem gerir heiminn að betri stað.“

Því næst þakkaði hún öllum fyrir að vera í þessari vegferð með sér, sagðist finna ástina og sendi hana til baka og að lokum kom mjög hljóðlátt og tilfinningaþrungið:

„Bless“