Aðeins tvö lið hafa beðið lengur eftir úrslitaeinvíginu en Valsmenn

Valsliðið sópaði Selfyssingum út úr undanúrslitunum en ÍBV þurfti fjóra leiki á móti Haukum. ÍBV kláraði sitt einvígi 10. maí eða tveimur dögum á eftir Valsmönnum.

Það hafa aðeins tvö lið þurft að bíða lengur eftir úrslitaeinvíginu en Valsmenn frá því að úrslitakeppnin var tekin upp 1992.

Haukaliðið frá 2015 beið lengst eða í fimmtán daga vorið 2015. Haukarnir sópuðu þá út Valsmönnum 3-0 á sama tíma og undanúrslitaeinvígi Aftureldingar og ÍR fór alla leið í oddaleik.

Mosfellingar unnu oddaleikinn en þurftu engu að síður að bíða í tíu daga eftir úrslitaeinvíginu sem er nú fjórða lengsta biðin. Haukarnir unnu úrslitaeinvígið 3-0.

Síðasta lið til að bíða í meira en tíu daga eftir úrslitaeinvíginu var lið FH vorið 2017.

FH-ingar biðu þá í þrettán daga eftir að hafa slegið Aftureldingu 3-0 út í undanúrslitum. Valsmenn unnu líka sitt einvígi 3-0 en voru að keppa í undanúrslitum Evrópukeppninnar á sama tíma og því tók undirúrslitaeinvígi Vals og Fram fimmtán daga þrátt fyrir að það endaði 3-0.

Leikur Vals og ÍBV hefst klukkan 19.30 í Origo höllinni á Hlíðarenda en leikurinn verður sýndur beint á Stöð 2 Sport. Upphitun Seinni bylgjunnar hefst klukkan 18.50.