Kolfinna Kristófers og Brynja Jónbjarnar með endurkomu á tískupallinum

Helgi Ómarsson skrifar 7. maí 2022 21:46

Kolfinna og Brynja eftir sýninguna Helgi Ómars/Vísir

Þær eiga það sameiginlegt að vera einar af stærstu fyrirsætum sem Ísland hefur átt og unnu fyrir marga af stærstu kúnnum heimsins. Þær hafa sett hælana upp á hilluna í bili og sinna nú öðrum störfum.

Tískusýning útskriftarnema í fatahönnun er alltaf eftirsótt og var sýningin núna á HönnunarMars engin undantekning. Það vakti lukku þegar þær Kolfinna Kristófersdóttir og Brynja Jónbjarnardóttir mættu á pallinn á sýningunni.

Kolfinna vinnur nú sem húðflúrari og Brynja sem hagfræðingur hjá Samkeppniseftirlitinu.

Kolfinna var á allra vörum þegar stærstu hönnuðir heimsins rifust um að fá hana til að ganga á sýningum þeirra en hún gekk meðal annars fyrir Valentino, Versace, Givenchy og Chanel ásamt því að skarta forsíðu i-D og síðum Vogue.

Brynja Jónbjarnardóttir vann fyrir kúnna á borð við Moschino, Vera Wang, Bloomingdales og meðal annars andlit Carven.

Kolfinna í hönnun eftir Auði Ýr GunnarsdótturHelgi Ómars/Vísir

Brynja í hönnun eftir Eydísi Elfu ÖrnólfsdótturHelgi Omars/Vísir

Kolfinna og Brynja eftir sýningunaHelgi Ómars/Vísir

HönnunarMars 2022 fer fram 4. til 8. maí. Alla dagskránna má finna á vef hátíðarinnar.

Frítt er inn á alla viðburði fyrir utan DesignTalks ráðstefnuna í Hörpu. HönnunarMars er opinn öllum og dagskráin er fjölbreytt svo allir ættu að geta fundið eitthvað við sitt hæfi.

Hér má finna alla okkar umfjöllun um HönnunarMars 2022.

HönnunarMars Tíska og hönnun

Tengdar fréttir

Kolfinna á forsíðu i-D

Fyrirsætan Kolfinna Kristófersdóttir prýðir forsíðu nýjasta heftis tímaritsins i-D. Heftið nefnist The Role Model Issue sem mætti þýða sem Fyrirmyndarheftið og er Kolfinna mynduð af írska ljósmyndaranum Boo George. Kolfinna situr ekki aðeins fyrir á forsíðunni heldur birtir tímaritið heilan myndaþátt með fyrirsætunni. Boo George hefur áður myndað fyrir Levi's, Topman, Wrangler, Louis Vuitton, Ungaro og Allsaints.

28. september 2012 00:00

Hönnunargleði á Hafnartorgi

Hafnartorgið iðaði af gleði með hönnunarvörum, list og arkitektúr. Þar má finna ýmsar sýningar og bíður Hafnartorgið uppá að slá nokkrar listaflugur í einu höggi. Svo er að sjálfssögðu hægt að bræða úr debitkortinu sínu í fallegu verslunum en það er kannski annað mál.

6. maí 2022 13:53

Coat-19: Geggjuð úlpa fyllt með notuðum andlitsgrímum

Tobia Zambotti og Aleksi Saastamoinen vekja athygli á hinni miklu mengun sem fylgdi notkun á einnota grímum í faraldrinum svo þeir gerðu ótrúlega netta úlpu sem var til sýnis í Hörpunni í gær.

5. maí 2022 15:31