Tíska og hönnun

Coat-19: Geggjuð úlpa fyllt með notuðum andlitsgrímum

Helgi Ómarsson skrifar
Tobia Zambotti klæðist verki sínu Coat-19
Tobia Zambotti klæðist verki sínu Coat-19 Helgi Omars

Tobia Zambotti og Aleksi Saastamoinen vekja athygli á hinni miklu mengun sem fylgdi notkun á einnota grímum í faraldrinum svo þeir gerðu ótrúlega netta úlpu sem var til sýnis í Hörpunni í gær. 

Harpan var stútfullt af gestum í gær þegar HönnunarMars 2022 var formlega sett. Það má segja að úlpan Coat-19 hafi vakið mikla athygli áður en fólk fékk að berja hana augum.

Coat-19 úlpan er nefnilega fyllt af gömlum og notuðum andlitsgrímum sem voru að menga stræti og náttúru umhverfi borgarinnar.

Tobia Zambotti hönnuður úlpunnar tók ekkert smá vel á móti mér og Svönu þegar við stálumst til hans rétt eftir lokun og fengum að blasta forvitni okkar á manninn. 

Tobia Zambotti og Helgi Ómarsson í góðum gír eftir lokun sýningarSvana Lovísa

Tobia sagði að setja á sig gúmmíhanska og rölta um götur Reykjavíkurborgar hafi verið sérstök tilfinning en að lokaútkoman hafi gert það þess verði.

Ég fékk persónulega að prófa úlpuna og fannst það mikill heiður, en það kom mér skemmtilega á óvart hversu hrein, ótrúlega vel gerð og einnig hversu flott hún var þegar ég klæddi mig í hana. Ég var búinn að gera mér aðra hugmynd um hvernig hún væri, en hún er gerð úr gegnsæju, vatns og vinheldu marglaga efni sem andar vel og er efnið einnig gert úr lífrænum efnum. 

Coat-19 eftir Tobia Zambotti og Aleksi SaastamoinenHelgi Omars
Ég hefði áhuga á að eignast svona úlpu, en kannski ekki með grímum, en einhverju öðru sem væri rosa sjálfbært og fallegt. 
Coat-19 eftir Tobia Zambotti & Aleksi SaastamoinenHelgi Ómars

Hægt er að sjá Coat-19 á S/K/E/K/K á Óðinsgata 1 í dag, 5 maí áður en hún fer á ferðalag um heiminn. 


HönnunarMars 2022 fer fram 4. til 8. maí. Alla dagskránna má finna á vef hátíðarinnar

Frítt er inn á alla viðburði fyrir utan DesignTalks ráðstefnuna í Hörpu. HönnunarMars er opinn öllum og dagskráin er fjölbreytt svo allir ættu að geta fundið eitthvað við sitt hæfi.  

Hér má finna alla okkar umfjöllun um HönnunarMars 2022


Tengdar fréttir

Tískutengdir viðburðir á HönnunarMars í ár

Hátíðin HönnunarMars verður sett formlega í Hörpu síðar í dag. Á dagskrá hátíðarinnar í ár eru rúmlega 100 sýningar og 200 viðburðir. Það ættu því allir að geta fundið eitthvað við sitt hæfi næstu daga.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.