Fótbolti

Willum og félagar komnir áfram í úrslitaleikinn

Atli Arason skrifar
Willum í leik með BATE Borisov
Willum í leik með BATE Borisov

Willum Þór Willumsson var í byrjunarliði BATE Borisov og spilaði allan leikinn í 2-0 sigri á Neman í undanúrslitum bikarkeppninnar í Hvíta-Rússlandi.

Stanislav Dragun skoraði fyrsta mark leiksins undir lok fyrri hálfleiks áður en Artem Shumansky gulltryggði sigurinn á 94. mínútu og um leið þátttökurétt í úrslitaleiknum. Neman vann fyrri leikinn 2-1 og því tók BATE viðureignina með samanlögðum 3-2 sigri.

BATE mun mæta Gomel í úrslitaleiknum þann 21. maí næstkomandi en Gomel sló Vitebsk út í hinum undanúrslitaleiknum.

Mest lesið


Fleiri fréttir

Sjá meira


×

Mest lesið