Sautján sjúklingar liggja nú inni á Landspítala með Covid-19.Vísir/Vilhelm
Karlmaður á áttræðisaldri með Covid-19 lést á Landspítala í gær.
Þetta kemur fram á vef Landspítalans. Greint var frá því í gær að tvær konur á áttræðisaldri með Covid-19 hafi látist á Landspítalanum um síðustu helgi.
Sautján sjúklingar liggja nú inni á Landspítala með Covid-19 og þar af eru ellefu með virkt smit. Enginn sjúklinganna er á gjörgæslu. Alls lágu 22 sjúklingar inni á Landspítala með Covid-19 í gær og þar af átján með virkt smit.
106 manns hafa því látist af völdum Covid-19 hér á landi frá upphafi faraldursins.
Tvær konur á áttræðisaldri með Covid-19 létust á gjörgæsludeild Landspítalans í Fossvogi um helgina.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
