Erlent

25 látnir á Filipps­eyjum vegna hita­beltis­stormsins Megi

Gunnar Reynir Valþórsson skrifar
Rúmlega þrettán þúsund manns þurftu að flýja strendur landsins.
Rúmlega þrettán þúsund manns þurftu að flýja strendur landsins. EPA

Að minnsta kosti 25 eru látnir á Filippseyjum eftir að hitabeltisstormurinn Megi gekk yfir landið. Mesta tjónið hefur orðið í flóðum og aurskriðum og eru björgunarsveitir enn að störfum við að bjarga fólki sem hefur orðið innlyksa á austur- og suðurströndum eyjaklasans.

Óveðrið skall á á sunnudag og er það fyrsta á þessu tímabili en venjulega skella um tuttugu slíkir stormar á Filippseyjum á hverju ári, að því er segir í frétt BBC.

Rúmlega þrettán þúsund manns þurftu að flýja strendur landsins og mikil rigning leiddi til rafmagnsleysis víða og orsakaði flóð og aurskriður. 

Langflest dauðsfallanna, eða 22 urðu í héraðinu Leyte þar sem stór skriða féll á þorp. Búist er við að veðrið fari að skána í dag.

Filippseyjar Náttúruhamfarir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið