Innlent

Laus hross vegna yfirfullra skurða

Kolbeinn Tumi Daðason skrifar
Fólk er minnt á að hafa á bak við eyrað að hestar geti verið á ferð nærri vegum þar sem girðingar hafa víða farið á bólakaf í snjó.
Fólk er minnt á að hafa á bak við eyrað að hestar geti verið á ferð nærri vegum þar sem girðingar hafa víða farið á bólakaf í snjó. Unsplash/Jeremy Bezanger

Skurðir á Suðurlandi eru víða að fyllast eða þegar orðnir fullir af snjó. Af þeim sökum eru girðingar víða á bólakafi. Vegna þessa eiga hross greiða leið út á vegi.

Lögreglan á Suðurlandi varar við þessu og biður fólk að hafa í huga þegar farið er um sveitir landsins. Reyndar er fólki ráðið frá því að vera á ferð um Suðurlandið í kvöld og fram á nótt þegar rauð veðurviðvörun tekur gildi á svæðinu.

Rauðu viðvaranirnar, sem eru þær alvarlegustu í viðvaranakerfi Veðurstofunnar, taka allar gildi klukkan 19 í kvöld, samkvæmt vef Veðurstofunnar. Þær gilda til 22:30 á höfuðborgarsvæðinu, 23 á Suðurlandi og 00:30 á Faxaflóa. Veðurfræðingur býst við miklu vatnsskemmdaveðri en annar hvellur gengur svo yfir landið strax í fyrramálið.

Þegar hafa borist tilkynningar um laus hross við Múla í Biskupstungum og um hreindýr austur undir Höfn í Hornafirði.

Hestar Veður Dýr Hornafjörður Bláskógabyggð Óveður 21. og 22. febrúar 2022

Mest lesið


Fleiri fréttir

Sjá meira


×

Mest lesið