Sport

Dagskráin í dag: Meistaradeildin, Subway-deildin og rafíþróttir

Hjörtur Leó Guðjónsson skrifar
Mohamed Salah og Virgil van Dijk mæta til leiks í Meistaradeild Evrópu í kvöld.
Mohamed Salah og Virgil van Dijk mæta til leiks í Meistaradeild Evrópu í kvöld. Simon Stacpoole/Offside/Offside via Getty Images

Á boðstólum verða sex beinar útsendingar á rásum Stöðvar 2 Sports í dag, en þar ber líklega hæst að nefna leik Inter og Liverpool í Meistaradeild Evrópu í kvöld.

Við byrjum samt í Grafarvoginum þar sem Fjölir tekur á móti Grindavík í Subway-deild kvenna í körfubolta á Stöð 2 Sport 4, en útsending hefst klukkan 18:05.

Að þeim leik loknum færum við okkur yfir í Hafnarfjörðinn þar sem Haukakonur taka á móti Valskonum í sömu deild á sömu rás klukkan 20:05.

Upphitun fyrir Meistaradeild Evrópu hefst á Stöð 2 Sport 2 klukkan 19:15, en við skiptum niður á völl klukkan 19:55 þar sem Ítalíumeistarar Inter taka á móti Liverpool.

Meistaradeildarmörkin eru svo á sínum stað klukkan 22:00 þar sem farið verður yfir allt það helsta úr leikjum kvöldsins.

Klukkan 21:00 mæta þær Alma, Eva, Högna og Kamila til leiks í þættinum Babe Patrol á Stöð 2 eSport og munu án efa valda miklum usla á götum Verdansk í leiknum Call of Duty: Warzone.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.