Saumaði kjól úr leðri sem hún tók úr bílsætunum á fyrsta bílnum sínum Dóra Júlía Agnarsdóttir skrifar 31. janúar 2022 15:30 Valgerður Anna Einarsdóttir klæðist hér sögulega bílakjólnum sem hún hannaði. Instagram @valgerdurannae Lífskúnstnerinn Valgerður Anna Einarsdóttir, jafnan þekkt sem Vala, átti sama bílinn í tólf ár og myndaði gott og traust samband við farartækið á þeim tíma. Þegar að bíllinn gaf upp öndina átti Vala erfitt með að kveðja og fann ansi frumlega leið til þess að halda hluta af honum í sínu lífi. „Ég hef átt sama bílinn í 12 ár, síðan ég fékk bílpróf 17 ára. Perluhvíta Hyundai Sonötu frá árinu 2000, sem ég kallaði Sleðinn. Ég er ekki að grínast þegar ég segi að bílinn hafi verið eins og Herbie eða Lightning McQueen. Þvílíkur karakter,” segir Vala. View this post on Instagram A post shared by vala (@valgerdurannae) Sjötta skilningarvitið sem virkaði sem bensínmælir Þrátt fyrir að bíllinn væri farinn að syngja sitt síðasta gerði Vala sitt besta til að gefast ekki upp á honum. „Það virkaði ekkert í honum, hann hékk saman á lyginni einni. Besta var að bensín mælirinn virkaði ekki þannig ég var búin að tileinka mér sjötta skilningarvitið til að átta mig á hvenær ég þurfti að taka bensín. Ég var búin að láta laga hann svo oft, pabbi hafði meira segja pantað nýja vélar grind undir hann einu sinni en hann var aldrei nógu bilaður til að fara á haugana, ekki það að ég vildi það. Ég gat dedúað endalaust við bílinn, keypti hvítt lakk til að stoppa í ryðgöt með eyrnapinna, spreyjaði hjólkoppana og setti alltaf augnhár á hann á sumrin til að gera hann extra sætan.” Sleðinn kominn með augnhár.Aðsend Örlagarík skoðun „Í júlí 2021 fór ég með hann í skoðun og ég hugsaði „minn maður flýgur í gegnum skoðun, hann er ótrúlegur, ekkert bítur á Sleðanum“. Mér til mikillar undrunar var mér tilkynnt að Sleðinn hafi fengið „Notkun bönnuð“ miða og ég mætti ekki einu sinni keyra heim frá skoðunarstöðinni. Hjólabitinn að aftan var nefnilega ryðgaður í sundur og tímaspursmál hvenær afturdekkið færi af bílnum í heilu lagi.” Skiljanlega var þessi niðurstaða átakanleg fyrir Völu en hún dó þó ekki ráðalaus. „Ég fór auðvitað að grenja, þvílík tímamót í lífi einnar konu. En ég byrjaði strax að hugsa hvernig ég gæti gert Sleðann ódauðlegan, hvort að ég gæti átt bílinn samþjappaðan sem stofuborð heima hjá mér eða hvort að ég gæti hengt speglana upp sem einhvern gjörning. Framsætin voru alveg búin þegar hann fór á haugana en aftur í var stórkostlegt óslitið grátt leður.” Við þessa athugun fékk hún mikla hugljómun. „Ég auðvitað rykkti afturbekknum úr bílnum, tók höfuðpúðana og sætisbeltin áður en hann var dreginn í burtu. Sleðinn átti að verða að leðurkjól.” Innihald aftursætisins sem átti eftir að verða að leðurkjól.Aðsend Ekkert grín að sauma aðsniðinn kjól úr leðurbútum bílsætis Vala segir hönnunarferlið ekki hafa verið auðvelt og jafnvel erfiðara en hún hafði gert sér í hugarlund. „Ég lærði að sauma í textílmennt í grunnskóla og ég er alveg ágæt í að sauma en að sauma aðsniðin kjól úr leðurbútum og láta allt virka er ekkert grín. Ég þurfti að kaupa sérstaka leðurnál í saumavélina og Tetris raða leðurbútum saman þannig að það hentaði mínum líkama. Ég átti ekkert auka efni þannig ef ég klippti eitthvað vitlaust þá varð bara að hafa það. Blessunarlega er Auður vinkona mín búningahönnuður sem hjálpaði mér að gera sniðsaumana undir lokin og svo saumaði ég tösku í stíl úr sætisbeltunum.” Bílsætis leðurkjóllinn í ferli.Aðsend Það galnasta og besta Það hlýtur að teljast einstakt að klæðast kjól úr leðri bílsæta og því er ólíklegt að Vala rekist á aðra í svipaðri flík. „Ég hef gert mikið af fötum og ég var spurð hvort að þessi kjóll væri flottari en eitthvað annað sem ég hef gert og svarið er bara „þetta er Sleðinn“. Þetta er kjóll sem ég saumaði úr leðri sem ég tók af bílsætunum á fyrsta bílnum mínum. Þetta er það galnasta og besta sem mér hefur dottið í hug,” segir þessi úrræðagóða unga kona að lokum. Tíska og hönnun Bílar Mest lesið Æðisleg tilfinning að þurfa ekki að geðjast fólki Tónlist „Tíu ár en enginn hringur“ Makamál Hjólhýsabyggðin á Laugarvatni og Húsið á Eyrarbakka Lífið „Þetta var svolítið biblíuleg mynd“ Lífið Páll Óskar genginn í það heilaga: „Besti dagur lífs okkar“ Lífið Líkt við apa og klappað eins og hundi Lífið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Svar við spurningu lesanda: Hvað má fróa sér oft í viku? Lífið Ósanngjarnt hvernig stúlkan var dregin inn í umræðu sem var að miklu leyti „algjör þvæla“ Lífið Fleiri fréttir Er sannkölluð Mary Poppins þegar það kemur að töskunni Björk á forsíðu Vogue í fyrsta sinn „Vinkonur mínar eru allar með tölu mestu gellur landsins“ Forfallin húðumhirðuaðdáandi og sólarvarnarlögga Ekki sérlega litaglöð en glaðlynd að eðlisfari Týnir öllu þannig að flest staldrar stutt við í töskunni Sársaknar sérhannaðrar úlpu: „Þetta er bara listaverkið mitt“ Best klæddu stjörnurnar á Óskarnum Sparks peysan og brúnkukremið eftirminnilegt tímabil Louis Vuitton taskan sem bæði týndist og fannst í uppáhaldi „Leyfðu öðrum að njóta lífsins og klæða sig eins og það vill“ Tískudrottingin Iris Apfel látin Finnur flottari flíkur í kvenmannsdeildunum „Yfirleitt er allt sem er gefandi líka krefjandi“ Alltaf með nasl í töskunni og þjáist af matarást á háu stigi Klæðir sig upp í þema fyrir öll möguleg tilefni Fyrirsæta fyrir tískurisa erlendis en lögfræðingur hér heima Nýtur þess að setja sig í fyrsta sætið Íslenskur hönnuður með fatalínu á tískuviku Best klæddu á Grammys: Laufey skein skært í Chanel „Ég hlakka til að klæða mig upp á hverjum morgni“ Sjá meira
Þegar að bíllinn gaf upp öndina átti Vala erfitt með að kveðja og fann ansi frumlega leið til þess að halda hluta af honum í sínu lífi. „Ég hef átt sama bílinn í 12 ár, síðan ég fékk bílpróf 17 ára. Perluhvíta Hyundai Sonötu frá árinu 2000, sem ég kallaði Sleðinn. Ég er ekki að grínast þegar ég segi að bílinn hafi verið eins og Herbie eða Lightning McQueen. Þvílíkur karakter,” segir Vala. View this post on Instagram A post shared by vala (@valgerdurannae) Sjötta skilningarvitið sem virkaði sem bensínmælir Þrátt fyrir að bíllinn væri farinn að syngja sitt síðasta gerði Vala sitt besta til að gefast ekki upp á honum. „Það virkaði ekkert í honum, hann hékk saman á lyginni einni. Besta var að bensín mælirinn virkaði ekki þannig ég var búin að tileinka mér sjötta skilningarvitið til að átta mig á hvenær ég þurfti að taka bensín. Ég var búin að láta laga hann svo oft, pabbi hafði meira segja pantað nýja vélar grind undir hann einu sinni en hann var aldrei nógu bilaður til að fara á haugana, ekki það að ég vildi það. Ég gat dedúað endalaust við bílinn, keypti hvítt lakk til að stoppa í ryðgöt með eyrnapinna, spreyjaði hjólkoppana og setti alltaf augnhár á hann á sumrin til að gera hann extra sætan.” Sleðinn kominn með augnhár.Aðsend Örlagarík skoðun „Í júlí 2021 fór ég með hann í skoðun og ég hugsaði „minn maður flýgur í gegnum skoðun, hann er ótrúlegur, ekkert bítur á Sleðanum“. Mér til mikillar undrunar var mér tilkynnt að Sleðinn hafi fengið „Notkun bönnuð“ miða og ég mætti ekki einu sinni keyra heim frá skoðunarstöðinni. Hjólabitinn að aftan var nefnilega ryðgaður í sundur og tímaspursmál hvenær afturdekkið færi af bílnum í heilu lagi.” Skiljanlega var þessi niðurstaða átakanleg fyrir Völu en hún dó þó ekki ráðalaus. „Ég fór auðvitað að grenja, þvílík tímamót í lífi einnar konu. En ég byrjaði strax að hugsa hvernig ég gæti gert Sleðann ódauðlegan, hvort að ég gæti átt bílinn samþjappaðan sem stofuborð heima hjá mér eða hvort að ég gæti hengt speglana upp sem einhvern gjörning. Framsætin voru alveg búin þegar hann fór á haugana en aftur í var stórkostlegt óslitið grátt leður.” Við þessa athugun fékk hún mikla hugljómun. „Ég auðvitað rykkti afturbekknum úr bílnum, tók höfuðpúðana og sætisbeltin áður en hann var dreginn í burtu. Sleðinn átti að verða að leðurkjól.” Innihald aftursætisins sem átti eftir að verða að leðurkjól.Aðsend Ekkert grín að sauma aðsniðinn kjól úr leðurbútum bílsætis Vala segir hönnunarferlið ekki hafa verið auðvelt og jafnvel erfiðara en hún hafði gert sér í hugarlund. „Ég lærði að sauma í textílmennt í grunnskóla og ég er alveg ágæt í að sauma en að sauma aðsniðin kjól úr leðurbútum og láta allt virka er ekkert grín. Ég þurfti að kaupa sérstaka leðurnál í saumavélina og Tetris raða leðurbútum saman þannig að það hentaði mínum líkama. Ég átti ekkert auka efni þannig ef ég klippti eitthvað vitlaust þá varð bara að hafa það. Blessunarlega er Auður vinkona mín búningahönnuður sem hjálpaði mér að gera sniðsaumana undir lokin og svo saumaði ég tösku í stíl úr sætisbeltunum.” Bílsætis leðurkjóllinn í ferli.Aðsend Það galnasta og besta Það hlýtur að teljast einstakt að klæðast kjól úr leðri bílsæta og því er ólíklegt að Vala rekist á aðra í svipaðri flík. „Ég hef gert mikið af fötum og ég var spurð hvort að þessi kjóll væri flottari en eitthvað annað sem ég hef gert og svarið er bara „þetta er Sleðinn“. Þetta er kjóll sem ég saumaði úr leðri sem ég tók af bílsætunum á fyrsta bílnum mínum. Þetta er það galnasta og besta sem mér hefur dottið í hug,” segir þessi úrræðagóða unga kona að lokum.
Tíska og hönnun Bílar Mest lesið Æðisleg tilfinning að þurfa ekki að geðjast fólki Tónlist „Tíu ár en enginn hringur“ Makamál Hjólhýsabyggðin á Laugarvatni og Húsið á Eyrarbakka Lífið „Þetta var svolítið biblíuleg mynd“ Lífið Páll Óskar genginn í það heilaga: „Besti dagur lífs okkar“ Lífið Líkt við apa og klappað eins og hundi Lífið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Svar við spurningu lesanda: Hvað má fróa sér oft í viku? Lífið Ósanngjarnt hvernig stúlkan var dregin inn í umræðu sem var að miklu leyti „algjör þvæla“ Lífið Fleiri fréttir Er sannkölluð Mary Poppins þegar það kemur að töskunni Björk á forsíðu Vogue í fyrsta sinn „Vinkonur mínar eru allar með tölu mestu gellur landsins“ Forfallin húðumhirðuaðdáandi og sólarvarnarlögga Ekki sérlega litaglöð en glaðlynd að eðlisfari Týnir öllu þannig að flest staldrar stutt við í töskunni Sársaknar sérhannaðrar úlpu: „Þetta er bara listaverkið mitt“ Best klæddu stjörnurnar á Óskarnum Sparks peysan og brúnkukremið eftirminnilegt tímabil Louis Vuitton taskan sem bæði týndist og fannst í uppáhaldi „Leyfðu öðrum að njóta lífsins og klæða sig eins og það vill“ Tískudrottingin Iris Apfel látin Finnur flottari flíkur í kvenmannsdeildunum „Yfirleitt er allt sem er gefandi líka krefjandi“ Alltaf með nasl í töskunni og þjáist af matarást á háu stigi Klæðir sig upp í þema fyrir öll möguleg tilefni Fyrirsæta fyrir tískurisa erlendis en lögfræðingur hér heima Nýtur þess að setja sig í fyrsta sætið Íslenskur hönnuður með fatalínu á tískuviku Best klæddu á Grammys: Laufey skein skært í Chanel „Ég hlakka til að klæða mig upp á hverjum morgni“ Sjá meira