Fótbolti

Juventus í átta liða úrslit eftir öruggan sigur

Hjörtur Leó Guðjónsson skrifar
Paulo Dybala skoraði þriðja mark Juventus í kvöld.
Paulo Dybala skoraði þriðja mark Juventus í kvöld. Tullio M. Puglia/Getty Images

Juventus vann öruggan 4-1 sigur er liðið tók á móti Sampdoria í 16-liða úrslitum ítalska bikarsins Coppa Italia í kvöld.

Juan Cuadrado kom Juventus yfir eftir 25 mínútna leik, og Alvaro Morata bætti öðru marki við tveimur mínútum síðar. Eftir skoðun myndbandsdómara kom þó í ljós að heimamenn hefðu brotið af sér í aðdraganda marksins, og mark Morata fékk því ekki að standa.

Þegar gengið var til búningsherbergja var staðan því 1-0, en Daniele Rugani skoraði annað mark Juventus snemma í síðari hálfleik.

Andrea Conti minnkaði muninn fyrir gestina eftir rúmlega klukkutíma leik, áður en Paulo Dybala kom Juventus aftur tveimur mörkum yfir stuttu síðar.

Alvaro Morata gulltryggði síðan 4-1 sigur Juventus af vítapunktinum um stundarfjórðungi fyrir leikslok, og liðið er því komið í átta liða úrslti þar sem annað hvort Sassuolo eða Cagliari bíður þeirra.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.