Ætla sér að toppa Anconcagua í dag

Smári Jökull Jónsson skrifar 16. janúar 2022 12:00

Þeir félagar gera ráð fyrir að ná toppi Anconcagua í dag. Aðsend

Þeir Tolli Morthens, Arnar Hauksson og leiðsögumaður þeirra Sebastian Garcia eru á leið á topp hæsta fjalls Suður-Ameríku en samkvæmt ferðaáætlun verða þeir á toppnum síðar í dag.

Fjallið, sem er í Argentínu og nálægt landamærum Argentínu og Chile, er hluti af Andes fjöllunum og er 6961 metri á hæð. Þremenningarnir lögðu af stað úr síðustu búðum fjallsins Anconcagua á föstudagsmorgun að staðartíma en þetta kemur fram í tilkynningu sem send var fyrir hönd Tolla.

Leiðangurinn er farinn til að vekja athygli á starfsemi Batahúss sem tók til starfa á síðasta ári og um leið safna áheitum fyrir starfsemina. Batahús er einstaklingsmiðað bataúrræði við enda afplánunar þar sem einstaklingum er boðin heimilisaðstaða til allt að tveggja ára. Þeir Tolli og Arnar eru báðir í stjórn Batahúss.

Leiðangurinn er farinn til að vekja athygli á starfsemi Batahúss.Aðsend

Hægt er að fylgjast með ferðum þeirra félaga í gegnum staðsetningartæki fararstjórans Sebastian Garcia.

Á hheimasíðau Batahúss má finna upplýsingar um starfsemina.

Fjallamennska Chile Íslendingar erlendis

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.