Björgunarsveitir þurftu að sinna tveimur útköllum í nótt, annars vegar í Garði á Suðurnesjum og svo í Norðfirði. Slæmt veður var víða um land í nótt.
Davíð Már Bjarnason, upplýsingafulltrúi Slysavarnafélagsins Landsbjargar, segir að fyrra útkallið hafi komið um miðnætti þar til tilkynnt var um að þakplötur væru að fjúka af húsi í Garði.
Seinna útkallið kom svo á fjórða tímanum í nótt þegar bíll fór út af veginum í grennd við Oddskarð.
Davíð sagðist ekki hafa aðrar upplýsingar en að bæði útköllin hafi gengið vel.
Gular viðvaranir taka gildi á vestanverðu landinu fyrir hádegi í dag og gilda til morguns.
„Menn eru á tánum. Það hefur ekki verið mikil stund milli stríða síðustu daga vegna veðurs. Björgunarsveitarmenn eru ekki í sérstakri viðbragðsstöðu en allir eru klárir að bregðast við ef kallið kemur,“ segir Davíð Már.
Það gengur í suðvestan hvassviðri eða storm með éljagangi í dag, en heldur hægari vindur og úrkomulítið á Austurlandi. Veðurstofan spáir hita um eða yfir frostmarki.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
