Körfubolti

James réði lögum og lofum í lokin

Sindri Sverrisson skrifar
LeBron James finnur leið að körfu Sacramento Kings í sigrinum í nótt.
LeBron James finnur leið að körfu Sacramento Kings í sigrinum í nótt. AP/Marcio Jose Sanchez

LeBron James gerði gæfumuninn þegar Los Angeles Lakers sneru stöðunni sér í vil á lokakaflanum og unnu Sacramento Kings, 122-114, í NBA-deildinni í körfubolta í nótt.

James skoraði 14 af 31 stigi sínu á síðustu átta mínútum leiksins en áður en að því kom var Sacramento sjö stigum yfir, 96-89.

James hitti á þessum kafla úr tveimur þriggja stiga skotum og fjórum sniðskotum auk þess að hjálpa til við að búa til færi fyrir Malik Monk sem setti líka niður tvo mikilvæga þrista.

Monk endaði með 24 stig og Dwight Howard skilaði 14 stigum og 14 fráköstum á tölfræðiblaðið, á 21 mínútu.

Þetta var þriðji sigur Lakers í röð og liðið er nú með fleiri sigra en töp, eða 20 gegn 19, í 7. sæti vesturdeildarinnar. Sacramento er í 10. sæti með 16 sigra og 23 töp.

  • Úrslitin í nótt:
  • Cleveland 106-110 Memphis
  • Toronto 129-104 San Antonio
  • New York 104-94 Indiana
  • New Orleans 110-123 Phoenix
  • LA Lakers 122-114 Sacramento

NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði.

NBA



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.