Árið 2021 fór svifryksmengun 10 daga yfir heilsuverndarmörk.Vísir/Vilhelm
Svifryk á höfuðborgarsvæðinu fór ekki yfir heilusverndarmörk á nýársdag. Mest svifryk mældist í Vesturbænum og við Bústaðaveg.
Reykjavíkurborg hafði varað við mikilli svifryksmengun vegna mengunar frá flugeldum og var búist við að styrkurinn yrði hár fram eftir nýársdegi ef hæglætisveður yrði í borginni.
„Miðað við undanfarin ár gæti 1. janúar 2022 orðið fyrsti svifryksdagur ársins vegna mengunar frá skoteldum. Heilsuverndarmörkin á sólarhring eru 50 míkrógrömmm á rúmmetra,“ sagði í tilkynningunni.
Sú varð þó ekki raunin. Nokkur vindur var á höfuðborgarsvæðinu á nýársnótt og féll því styrkur svifryks frekar hátt. Í tilkynningu á heimasíðu Reykjavíkurborgar segir að á síðustu klukkustund ársins 2021 hafi mest svifryksmengun mælst við Bústaðaveg en klukkan eitt á nýársnótt mældist mest mengun við Vesturbæjarlaug.
Í tilkynningu Reykjavíkurborgar fyrir áramótin kom fram að keypt hefðu verið inn um 640 tonn af skoteldum fyrir áramótin og þar af sé púðurmagnið um 56 tonn.
Reykjavíkurborg varar við hættu á mikilli svifryksmengun fyrstu klukkustundir ársins 2022 vegna mengunar frá flugeldum. Búast megi við því að styrkurinn verði yfir heilsuvrndarmörkum.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
