Fótbolti

Stráðu salti í sár Rosenborg eftir að hafa stolið Brynjari Inga af þeim

Ingvi Þór Sæmundsson skrifar
Vålerenga hafði betur í baráttu við Rosenborg um Brynjar Inga Bjarnason.
Vålerenga hafði betur í baráttu við Rosenborg um Brynjar Inga Bjarnason. twitter-síða vålerenga

Vålerenga skaut létt á Rosenborg þegar félagið kynnti Brynjar Inga Bjarnason sem nýjasta leikmann félagsins.

Í gær var greint frá því að Vålerenga hefði keypt Brynjar frá ítalska B-deildarliðinu Lecce þar sem Akureyringurinn fékk fá tækifæri. Brynjar skrifaði undir fjögurra ára samning við Vålerenga. Þar hittir hann fyrir félaga sinn í íslenska landsliðinu, Viðar Örn Kjartansson.

Brynjar var eftirsóttur og var meðal annars orðaður við Malmö, Bodø/Glimt og Rosenborg. Og Vålerenga virtist vera sérstaklega ánægt með að haft betur í baráttu við Rosenborg um Brynjar, allavega ef marka má myndband á Twitter þar sem hann var kynntur til leiks hjá félaginu.

Í myndbandinu má sjá Brynjar renna niður stiga, framhjá stuðningsmanni Rosenborg og beint í fangið á Dag-Eilev Fagermo, þjálfara Vålerenga.

Brynjar festi sig eftirminnilega í sessi í íslenska landsliðinu á þessu ári. Hann lék síðustu tíu landsleiki ársins og skoraði tvö mörk.

Vålerenga endaði í 7. sæti norsku úrvalsdeildarinnar á síðasta tímabili með 45 stig, tveimur sætum og þremur sætum á eftir Rosenborg.




Fleiri fréttir

Sjá meira


×