Innlent

Ung­menni frömdu vopnað rán í Kringlunni

Árni Sæberg skrifar
Ránið var framið í Kringlunni.
Ránið var framið í Kringlunni. Vísir/Vilhelm

Hópur ungmenna réðst að dreng í Kringlunni í gær og rændi hann síma. Hópurinn beitti kylfu í árásinni með alvarlegum afleiðingum.

Samkvæmt dagbók lögreglu fyrir gærkvöld og nóttina var brotaþoli árasarinnar töluvert slasaður og var hann fluttur á slysadeild til aðhlynningar. Málið hafi verið afgreitt með aðkomu Barnaverndar og foreldra.

Í Hafnarfirði var maður handtekinn fyrir líkamsárás. Maðurinn var vistaður í fangaklefa og brotaþoli fluttur á slysadeild.

Þá var maður einnig handtekinn í Breiðholti vegna líkamsárásar og honum komið fyrir í fangaklefa.

Mikið um fíkniefnaakstur

Í umdæmi lögreglustöðvar eitt voru þrír ökumenn stöðvaðir sem reyndust undir áhrifum fíkniefna, þar af einn ölvaður líka.

Í Garðabæ var ökumaður stöðvaður vegna fíkniefnaaksturs en hann reyndist einnig sviptur ökuréttindum.

Í Kópavogi fundust fíkniefni í fórum ökumanns sem var undir áhrifum bæði áfengis og fíkniefna.

Kringlan Lögreglumál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið