Fótbolti

Bellingham: Skrítið að setja dómara sem hefur svindlað á svona leik

Sigurður Orri Kristjánsson skrifar
Robert Lewandowski og Jude Bellingham í leiknum í gær
Robert Lewandowski og Jude Bellingham í leiknum í gær EPA-EFE/FRIEDEMANN VOGEL

Jude Bellingham, leikmaður Borussia Dortmund í þýsku Bundesligunni, gæti hafa komið sér í vandræði með ummælum sínum eftir stórleik Dortmund og Bayern Munchen sem fram fór á heimavelli Dortmund í gær.

Bayern Munchen vann leikinn, sem var æsispennandi, 2-3 og var það Robert Lewandowski sem skoraði sigurmarkið úr vítaspyrnu á 77. mínútu. Leikmönnum Dortmund var ekki skemmt við vítadóminn og þeir vildu sjálfir fá víti nokkrum mínútum áður en dómari leiksins Felix Zwayer dæmdi ekki.

Bellingham var alls ekki sáttur með Zwayer og lét hafa eftir sér í viðtali að það væri einkennilegt að setja dómara með slíka fortíð á svona stóran leik.

„Þú setur dómara sem hefur hagrætt úrslitum áður á svona leik, stærsta leik Þýskalands, við hverju býstu?“, sagði Bellingham sem gæti átt von á refsingu frá þýska knattspyrnusambandinu.




Fleiri fréttir

Sjá meira


×