Erlent

Grunur um hryðjuverk eftir að leigubíll sprakk í loft upp í Liverpool

Gunnar Reynir Valþórsson skrifar
Rannsóknin beinist nú meðal annars að því hvort um hryðjuverk var að ræða.
Rannsóknin beinist nú meðal annars að því hvort um hryðjuverk var að ræða. AP/Peter Byrne

Þrír hafa verið handteknir á grundvelli bresku hryðjuverkalagana eftir að leigubíll sprakk í loft upp fyrir utan Kvennasjúkrahúsið í Liverpool.

Leigubíllinn kom upp að spítalanum um klukkan rétt fyrir klukkan 11 í gærmorgun, rétt áður en tveggja mínútna þögn var um allt Bretland til að minnast fallinna hermanna. 

Um leið og bíllinn stöðvaðist fyrir utan sjúkrahúsið sprakk hann í loft upp. 

Farþegi í aftursæti bílsins lét lífið og bílstjórinn er illa særður. Aðra sakaði ekki. 

Í gærkvöldi greindi lögreglan svo frá því að þrír menn á þrítugsaldri hafi verið handteknir í tengslum við málið en vopnuð lögregla gerði húsleit á nokkrum stöðum í Liverpool í gær. 

Enn er þó óljóst hvað þarna lá að baki en grunur virðist beinast að því að um hryðjuverk hafi verið að ræða.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.