Enski boltinn

Dæmdur í átján mánaða fangelsi vegna dauða Sala

Samúel Karl Ólason skrifar
David Henderson var í fríi og bað flugmann sem hafði meðal annars ekki réttindi til að fljúga að nóttu til, um að fljúga Sala fyrir sig frá Frakklandi til Wales.
David Henderson var í fríi og bað flugmann sem hafði meðal annars ekki réttindi til að fljúga að nóttu til, um að fljúga Sala fyrir sig frá Frakklandi til Wales. Getty/Jacob King

David Henderson, sem skipulagði flugið sem fótboltamaðurinn Emiliano Sala lést í, hefur verið dæmdur í átján mánaða fangelsi. Hann var fundinn sekur í síðasta mánuði um að bera ábyrgð á slysinu.

Sala lést í janúar 2019 þegar flugvélin sem hann var um borð í hrapaði í Ermarsund. Flugmaðurinn David Ibbotson lést einnig en lík hans hefur aldrei fundist. Sala var nýgenginn í raðir Cardiff City og var á leið til Wales frá Nantes í Frakklandi þar sem hann lék áður.

Emiliano Sala var 28 ára gamall þegar flugvél sem hann var í brotlenti í Ermasundi.EPA/EDDY LEMAISTRE

Henderson skipulagði flugið en það var farið að nóttu til. Ibbotson hafði ekki réttindi til næturflugs og flugleyfi hans var útrunnið. Þetta var Henderson meðvitaður um og hafði hann beðið aðra sem vissu um að þaga um réttindaleysi Ibbotson.

Sjá einnig: Bar ábyrgð á andláti Emilianos Sala

Henderson er 67 ára gamall og fyrrverandi flugmaður í flugher Bretlands. Samkvæmt Sky News var hann í fríi með eiginkonu sinni og bað hann Ibbotson um að fljúga flugvélinni í hans fjarveru.

Hann var dæmdur í Cardiff í Wales.

Enski boltinn Emiliano Sala Bretland Wales

Mest lesið


Fleiri fréttir

Sjá meira


×

Mest lesið