Einkunnir Íslands: Flott frammistaða hjá flestum sem höfðu eitthvað að gera Íþróttadeild Vísis skrifar 26. október 2021 20:55 Sveindís Jane Jónsdóttir fagnar öðru af tveimur mörkum sínum gegn Kýpur í kvöld. VÍSIR/VILHELM Fjórir leikmenn fengu 8 í einkunn fyrir frammistöðu sína í 5-0 sigri Íslands gegn Kýpur í undankeppni HM kvenna í fótbolta í kvöld. Íslenska liðið var með boltann nánast allan tímann og aðeins einu sinni fékk Kýpur tækifæri til að skora mark í leiknum. Það var því sáralítið að gera hjá Cecilíu Rán Rúnarsdóttur sem fékk tækifæri í marki Íslands, og varnarmenn íslenska liðsins þurftu aldrei að hafa sérstaklega mikið fyrir hlutunum. Framar á vellinum náðu svo nokkrir leikmenn íslenska liðsins að heilla með frammistöðu sinni en einkunnagjöf íslenska liðsins má sjá hér að neðan. Byrjunarliðið: Cecilía Rán Rúnarsdóttir, markvörður 6 Lýtalaus frammistaða í hennar fyrsta mótsleik fyrir Ísland. Því ber þó að bæta við að hin 18 ára gamla Cecilía þurfti aldrei að verja skot eða grípa fyrirgjöf í leiknum. Hún rétt snerti boltann til að taka þátt í spili og tók hann einu sinni upp með höndum eftir sendingu Kýpverja fram. Guðný Árnadóttir, hægri bakvörður 7 Átti þátt í þriðja marki Íslands með fyrirgjöf sinni. Studdi ágætlega við Sveindísi en fór ekki mikið fram. Virðist bara líða vel í bakvarðarstöðunni. Ingibjörg Sigurðardóttir, miðvörður 6 Nálægt því að skora eftir hornspyrnu í lok fyrri hálfleiks. Hefur líklega sjaldan spilað auðveldari leik í vörn íslenska liðsins og skilaði boltanum ágætlega frá sér. Gat lítið gert gegn þessum mótherja til að sanna að hún eigi að endurheimta sætið í byrjunarliðinu. Sif Atladóttir, miðvörður 6 Sneri aftur í liðið eftir tveggja ára fjarveru og hafði afskaplega náðugan dag eins og öll íslenska vörnin. Á hælunum þegar Kýpur fékk sitt eina færi í fyrri hálfleik. Spilaði boltanum misvel frá sér og stundum fullhægt. Elísa Viðarsdóttir, vinstri bakvörður 8 Var afar dugleg að koma fram og kom að þremur marka Íslands í kvöld, réttfætt í stöðu vinstri bakvarðar. Átti fyrirgjöfina í fyrsta marki Íslands, rassastoðsendingu í þriðja markinu og sendingu yfir á Sveindísi í fjórða markinu. Þurfti ekkert að hafa fyrir varnarhlutverkinu. Alexandra Jóhannsdóttir, miðjumaður 8 Varfærin í leik sínum og kannski fulláhættufælin miðað við tilefnið. Passaði upp á vörnina og sendi boltann einfalt frá sér en átti líka mikilvægar sendingar líkt og í marki Sveindísar í fyrri hálfleik. Skoraði gott skallamark eftir hornspyrnu. Dagný Brynjarsdóttir, miðjumaður 7 Hélt áfram að bæta við mörkum í þessum landsleikjaglugga og nálgast óðum Hólmfríði Magnúsdóttur sveitunga sinn í 2. sæti yfir markahæstu leikmenn landsliðsins, með 32 mörk í 95 leikjum sem miðjumaður. Spilaði boltanum vel og örugglega frá sér og var ágætlega hreyfanleg. Karólína Lea Vilhjálmsdóttir, miðjumaður 8 Kann að gera hlutina nógu hratt og gat opnað vörn Kýpur með einni sendingu eða jafnvel einni hreyfingu. Fer afar vel með boltann og skoraði mark í fyrri hálfleik, og raunar annað sem var ranglega dæmt af. Sveindís Jane Jónsdóttir, hægri kantmaður 8 Var búin að gefa bakverði Kýpur hausverk eftir örfáar mínútur enda svona þrefalt fljótari. Kom Íslandi í 2-0 með því að skjótast leikandi framhjá varnarmanni og þruma í markið, og bætti við öðru marki í seinni hálfleik sem átti líklega að vera stoðsending. Áræðin að vanda en reyndi líka að finna samherja á réttum tímapunkti. Amanda Andradóttir, vinstri kantmaður 7 Fyrsti landsleikur í byrjunarliði. Reyndi mikið sjálf og stundum komu góðir hlutir út úr því en í önnur skipti snerti hún boltann of mikið. Með ofboðslega góða boltameðferð og gat auðveldlega leikið á Kýpverjana en erfitt að fella stóran dóm í ljósi þess hve mótspyrnan var lítil. Átti hornspyrnuna í fimmta marki Íslands. Svava Rós Guðmundsdóttir, framherji 6 Kom sér í 2-3 færi í fyrri hálfleik og var ranglega dæmd brotleg eftir að hafa lagt upp mark. Var áfram dugleg í seinni hálfleiknum en hefði mátt nýta tækifærið betur í fremstu víglínu. Varamenn: Berglind Rós Ágústsdóttir kom inn á fyrir Dagný Brynjarsdóttur á 63. mínútu 6 Kom inn sem aftasti miðjumaður og sá til þess að kýpverska liðið komst ekkert frekar fram á við en fyrr í leiknum. Karitas Tómasdóttir kom inn á fyrir Karólínu Leu Vilhjálmsdóttur á 63. mínútu 6 Skilaði sínu inni á miðjunni en var ekkert sérstaklega áberandi frekar en aðrir varamenn íslenska liðsins í leiknum. Agla María Albertsdóttir kom inn á fyrir Sveindísi Jane Jónsdóttur á 68. mínútu 6 Tók þátt í að halda uppi pressu fyrir íslenska liðið en skapaði ekki nein dauðafæri að þessu sinni. Hafrún Rakel Halldórsdóttir kom inn á fyrir Guðnýju Árnadóttur á 68. mínútu 6 Fékk að spreyta sig í bakvarðarstöðunni, hægra megin en ekki vinstra megin eins og hún hefur gert undanfarið með Breiðabliki. Ekkert út á hennar leik að setja. Berglind Björg Þorvaldsdóttir kom inn á fyrir Svövu Rós Guðmundsdóttur á 75. mínútu 6 Nálægt því að sleppa í gegnum vörnina einu sinni en hafði sig annars ekki mikið í frammi frekar en aðrir varamenn íslenska liðsins. HM 2023 í Ástralíu og Nýja-Sjálandi Tengdar fréttir Í beinni: Ísland - Kýpur | Útlit fyrir markaregn í Dalnum Íslenska kvennalandsliðið í fótbolta átti ekki í vandræðum með að vinna Kýpur, 5-0, í undankeppni HM í kvöld í síðasta heimaleik sínum á þessu ári. 26. október 2021 21:15 Mest lesið Fórnaði frægasta hári handboltans Handbolti „Var alltaf Mist með krabbamein alls staðar annars staðar“ Íslenski boltinn Ricky Hatton fyrirfór sér Sport Í beinni: Álftanes - Grindavík | Tvö taplaus í Kaldalónshöllinni Körfubolti Portúgalarnir í skýjunum yfir gestrisni Framara Handbolti Í beinni: KR - Þór Þ. | Heldur fullkomin byrjun KR áfram? Körfubolti NRK um Sædísi í kvöld: Grét sáran eftir að hafa „misst hausinn gjörsamlega“ Fótbolti Dóttir Katrínar Tönju komin í heimin Sport Tímabilið búið hjá Sævari Atla: „Ótrúlega svekkjandi“ Fótbolti Unnu sextánda leikinn í röð og eiga heimsmetið Fótbolti Fleiri fréttir Vinicius Junior bauð í svaka partý en gæti endað í fangelsi Gæti náð Liverpool-leiknum Diljá og félagar náðu ekki að snúa við blaðinu Hatrið á sér heillanga sögu: Hitað upp fyrir uppgjör ensku risanna Jóhann tekur við Þrótti en Blikar leita áfram Unnu sextánda leikinn í röð og eiga heimsmetið Tímabilið búið hjá Sævari Atla: „Ótrúlega svekkjandi“ Borgarstjóri Boston svarar Trump „Var alltaf Mist með krabbamein alls staðar annars staðar“ HM í fótbolta „í samkeppni“ við HM í handbolta Messi með nýtt fótboltamót og býður öllum „félögunum sínum“ nema einu NRK um Sædísi í kvöld: Grét sáran eftir að hafa „misst hausinn gjörsamlega“ Faðir Lamine Yamal sagður pressa á brottför frá Barcelona Vigdís Lilja lagði upp sigurmarkið þegar allt stefndi í vító Töpuðu á VAR-vítaspyrnu á áttundu mínútu í uppbótatíma Jóhann Kristinn hættir með Þór/KA Cecilía og Karólína verða líka í pottinum með Blikum Fékk bann fyrir fagnið á móti Liverpool Blikakonur í 16-liða úrslit í Evrópu Rekinn eftir tapið gegn Færeyjum: „Algjörlega óafsakanlegt og ég axla fulla ábyrgð“ Sjáðu öll mörk Salahs gegn United Fer frá KA í haust Snýr aftur eftir 30 mánaða bann Móðgaði Everton sem svaraði fyrir sig á samfélagsmiðlum Gagnrýnir Heimi og segir hann ekki þekkja leikmenn Tuchel hafði gaman að skotum enskra stuðningsmanna Lukaku segist hafa verið fjárkúgaður af fólki sem vildi ekki skila líki föður hans Trump hótar að taka HM-leiki af Boston Coote viðurkennir að hafa framleitt barnaníðsefni Heimir staðfastur þrátt fyrir kjaftshögg Szoboszlai Sjá meira
Íslenska liðið var með boltann nánast allan tímann og aðeins einu sinni fékk Kýpur tækifæri til að skora mark í leiknum. Það var því sáralítið að gera hjá Cecilíu Rán Rúnarsdóttur sem fékk tækifæri í marki Íslands, og varnarmenn íslenska liðsins þurftu aldrei að hafa sérstaklega mikið fyrir hlutunum. Framar á vellinum náðu svo nokkrir leikmenn íslenska liðsins að heilla með frammistöðu sinni en einkunnagjöf íslenska liðsins má sjá hér að neðan. Byrjunarliðið: Cecilía Rán Rúnarsdóttir, markvörður 6 Lýtalaus frammistaða í hennar fyrsta mótsleik fyrir Ísland. Því ber þó að bæta við að hin 18 ára gamla Cecilía þurfti aldrei að verja skot eða grípa fyrirgjöf í leiknum. Hún rétt snerti boltann til að taka þátt í spili og tók hann einu sinni upp með höndum eftir sendingu Kýpverja fram. Guðný Árnadóttir, hægri bakvörður 7 Átti þátt í þriðja marki Íslands með fyrirgjöf sinni. Studdi ágætlega við Sveindísi en fór ekki mikið fram. Virðist bara líða vel í bakvarðarstöðunni. Ingibjörg Sigurðardóttir, miðvörður 6 Nálægt því að skora eftir hornspyrnu í lok fyrri hálfleiks. Hefur líklega sjaldan spilað auðveldari leik í vörn íslenska liðsins og skilaði boltanum ágætlega frá sér. Gat lítið gert gegn þessum mótherja til að sanna að hún eigi að endurheimta sætið í byrjunarliðinu. Sif Atladóttir, miðvörður 6 Sneri aftur í liðið eftir tveggja ára fjarveru og hafði afskaplega náðugan dag eins og öll íslenska vörnin. Á hælunum þegar Kýpur fékk sitt eina færi í fyrri hálfleik. Spilaði boltanum misvel frá sér og stundum fullhægt. Elísa Viðarsdóttir, vinstri bakvörður 8 Var afar dugleg að koma fram og kom að þremur marka Íslands í kvöld, réttfætt í stöðu vinstri bakvarðar. Átti fyrirgjöfina í fyrsta marki Íslands, rassastoðsendingu í þriðja markinu og sendingu yfir á Sveindísi í fjórða markinu. Þurfti ekkert að hafa fyrir varnarhlutverkinu. Alexandra Jóhannsdóttir, miðjumaður 8 Varfærin í leik sínum og kannski fulláhættufælin miðað við tilefnið. Passaði upp á vörnina og sendi boltann einfalt frá sér en átti líka mikilvægar sendingar líkt og í marki Sveindísar í fyrri hálfleik. Skoraði gott skallamark eftir hornspyrnu. Dagný Brynjarsdóttir, miðjumaður 7 Hélt áfram að bæta við mörkum í þessum landsleikjaglugga og nálgast óðum Hólmfríði Magnúsdóttur sveitunga sinn í 2. sæti yfir markahæstu leikmenn landsliðsins, með 32 mörk í 95 leikjum sem miðjumaður. Spilaði boltanum vel og örugglega frá sér og var ágætlega hreyfanleg. Karólína Lea Vilhjálmsdóttir, miðjumaður 8 Kann að gera hlutina nógu hratt og gat opnað vörn Kýpur með einni sendingu eða jafnvel einni hreyfingu. Fer afar vel með boltann og skoraði mark í fyrri hálfleik, og raunar annað sem var ranglega dæmt af. Sveindís Jane Jónsdóttir, hægri kantmaður 8 Var búin að gefa bakverði Kýpur hausverk eftir örfáar mínútur enda svona þrefalt fljótari. Kom Íslandi í 2-0 með því að skjótast leikandi framhjá varnarmanni og þruma í markið, og bætti við öðru marki í seinni hálfleik sem átti líklega að vera stoðsending. Áræðin að vanda en reyndi líka að finna samherja á réttum tímapunkti. Amanda Andradóttir, vinstri kantmaður 7 Fyrsti landsleikur í byrjunarliði. Reyndi mikið sjálf og stundum komu góðir hlutir út úr því en í önnur skipti snerti hún boltann of mikið. Með ofboðslega góða boltameðferð og gat auðveldlega leikið á Kýpverjana en erfitt að fella stóran dóm í ljósi þess hve mótspyrnan var lítil. Átti hornspyrnuna í fimmta marki Íslands. Svava Rós Guðmundsdóttir, framherji 6 Kom sér í 2-3 færi í fyrri hálfleik og var ranglega dæmd brotleg eftir að hafa lagt upp mark. Var áfram dugleg í seinni hálfleiknum en hefði mátt nýta tækifærið betur í fremstu víglínu. Varamenn: Berglind Rós Ágústsdóttir kom inn á fyrir Dagný Brynjarsdóttur á 63. mínútu 6 Kom inn sem aftasti miðjumaður og sá til þess að kýpverska liðið komst ekkert frekar fram á við en fyrr í leiknum. Karitas Tómasdóttir kom inn á fyrir Karólínu Leu Vilhjálmsdóttur á 63. mínútu 6 Skilaði sínu inni á miðjunni en var ekkert sérstaklega áberandi frekar en aðrir varamenn íslenska liðsins í leiknum. Agla María Albertsdóttir kom inn á fyrir Sveindísi Jane Jónsdóttur á 68. mínútu 6 Tók þátt í að halda uppi pressu fyrir íslenska liðið en skapaði ekki nein dauðafæri að þessu sinni. Hafrún Rakel Halldórsdóttir kom inn á fyrir Guðnýju Árnadóttur á 68. mínútu 6 Fékk að spreyta sig í bakvarðarstöðunni, hægra megin en ekki vinstra megin eins og hún hefur gert undanfarið með Breiðabliki. Ekkert út á hennar leik að setja. Berglind Björg Þorvaldsdóttir kom inn á fyrir Svövu Rós Guðmundsdóttur á 75. mínútu 6 Nálægt því að sleppa í gegnum vörnina einu sinni en hafði sig annars ekki mikið í frammi frekar en aðrir varamenn íslenska liðsins.
HM 2023 í Ástralíu og Nýja-Sjálandi Tengdar fréttir Í beinni: Ísland - Kýpur | Útlit fyrir markaregn í Dalnum Íslenska kvennalandsliðið í fótbolta átti ekki í vandræðum með að vinna Kýpur, 5-0, í undankeppni HM í kvöld í síðasta heimaleik sínum á þessu ári. 26. október 2021 21:15 Mest lesið Fórnaði frægasta hári handboltans Handbolti „Var alltaf Mist með krabbamein alls staðar annars staðar“ Íslenski boltinn Ricky Hatton fyrirfór sér Sport Í beinni: Álftanes - Grindavík | Tvö taplaus í Kaldalónshöllinni Körfubolti Portúgalarnir í skýjunum yfir gestrisni Framara Handbolti Í beinni: KR - Þór Þ. | Heldur fullkomin byrjun KR áfram? Körfubolti NRK um Sædísi í kvöld: Grét sáran eftir að hafa „misst hausinn gjörsamlega“ Fótbolti Dóttir Katrínar Tönju komin í heimin Sport Tímabilið búið hjá Sævari Atla: „Ótrúlega svekkjandi“ Fótbolti Unnu sextánda leikinn í röð og eiga heimsmetið Fótbolti Fleiri fréttir Vinicius Junior bauð í svaka partý en gæti endað í fangelsi Gæti náð Liverpool-leiknum Diljá og félagar náðu ekki að snúa við blaðinu Hatrið á sér heillanga sögu: Hitað upp fyrir uppgjör ensku risanna Jóhann tekur við Þrótti en Blikar leita áfram Unnu sextánda leikinn í röð og eiga heimsmetið Tímabilið búið hjá Sævari Atla: „Ótrúlega svekkjandi“ Borgarstjóri Boston svarar Trump „Var alltaf Mist með krabbamein alls staðar annars staðar“ HM í fótbolta „í samkeppni“ við HM í handbolta Messi með nýtt fótboltamót og býður öllum „félögunum sínum“ nema einu NRK um Sædísi í kvöld: Grét sáran eftir að hafa „misst hausinn gjörsamlega“ Faðir Lamine Yamal sagður pressa á brottför frá Barcelona Vigdís Lilja lagði upp sigurmarkið þegar allt stefndi í vító Töpuðu á VAR-vítaspyrnu á áttundu mínútu í uppbótatíma Jóhann Kristinn hættir með Þór/KA Cecilía og Karólína verða líka í pottinum með Blikum Fékk bann fyrir fagnið á móti Liverpool Blikakonur í 16-liða úrslit í Evrópu Rekinn eftir tapið gegn Færeyjum: „Algjörlega óafsakanlegt og ég axla fulla ábyrgð“ Sjáðu öll mörk Salahs gegn United Fer frá KA í haust Snýr aftur eftir 30 mánaða bann Móðgaði Everton sem svaraði fyrir sig á samfélagsmiðlum Gagnrýnir Heimi og segir hann ekki þekkja leikmenn Tuchel hafði gaman að skotum enskra stuðningsmanna Lukaku segist hafa verið fjárkúgaður af fólki sem vildi ekki skila líki föður hans Trump hótar að taka HM-leiki af Boston Coote viðurkennir að hafa framleitt barnaníðsefni Heimir staðfastur þrátt fyrir kjaftshögg Szoboszlai Sjá meira
Í beinni: Ísland - Kýpur | Útlit fyrir markaregn í Dalnum Íslenska kvennalandsliðið í fótbolta átti ekki í vandræðum með að vinna Kýpur, 5-0, í undankeppni HM í kvöld í síðasta heimaleik sínum á þessu ári. 26. október 2021 21:15