Á­stæða til að hafa á­hyggjur af svart­nættinu yfir tengda­syni Mos­fells­bæjar

Hvað er eiginlega í gangi hjá Patrick Mahomes og félögum í liði Kansas City Chiefs? Það er von að menn spyrji sig af því eftir 27-3 skell á móti Tennessee Titans um helgina.

Það hefur verið vitað lengi að varnarleikur Chiefs liðsins er í molum en í þessum leik var sóknarleikurinn hrein hörmung og þetta frábæra sóknarlið skoraði ekki eitt snertimark í leiknum.

Mahomes kastaði boltanum einu sinni frá sér, missti boltann einu sinni og fékk síðan mjög slæmt högg í lokin sem leit ekki vel út. Mahomes kom ekki meira við sögu en þjálfarinn sagði eftir leikinn að hann hefði vel getað farið inn á völlinn en liðið væri ekki búið að tapa. Staðreyndin er annar skellur Chiefs í síðustu þremur leikjum og fjórða tapið í fyrstu sjö leikjunum.

Lið Tennessee Titans vann þarna sinn þriðja leik í röð og fimmta í sjö leikjum. Hlauparinn Derrick Henry var sterkur að vanda og útherjinn A.J. Brown var einnig mjög öflugur.

Önnur stórmerkileg úrslit frá því í gær var 41-17 stórsigur Cincinnati Bengals á Lamar Jackson og félögum í Baltimore Ravens þar sem leikstjórnandinn Joe Burrow og nýliðinn Ja'Marr Chase sýndu enn á ný hversu vel þeir ná saman. Útherjinn Chase er orðinn einn sá allra besti í deildinni á fyrsta ári.

Tom Brady og félagar í Tampa Bay Buccaneers eru áfram á fleygiferð og átti ekki í miklum vandræðum í 38-3 sigri á Brady átti fjórar snertimarkssendingar og ein af þeim var númer sex hundruð á ferlinum sem að sjálfsögðu löngu orðið met. Bucs skoraði 35 stig í fyrri hálfleik en tók því rólega eftir það.

Arizona Cardinals er eina liðið sem hefur unnið alla sjö leiki sína en liðið vann 31-5 sigur á Houston Texans í gær. Cardinals skoraði reyndar ekki í fyrsta leikhluta og lenti 5-0 undir en endaði leikinn á 31-0 spretti. Kyler Murray og félagar litu ekki alltof vel út en unnu engu að síður öruggan sigur.

Los Angeles Rams er búið að vinna sex af fyrstu sjö leikjum sínum eftir 28-19 sigur á Detroit Lions í gær en þarna mættust liðin í fyrsta sinn eftir að þau skiptust á leikstjórnendum. Jared Goff og félagar hjá Detriot hafa tapað öllum leikjum sínum í vetur en byrjuðu ágætlega. Kollegi hans Matthew Stafford átti svörin og ekki síst í því að finna útherjann frábæra Cooper Kupp.

Aaron Rodgers og félagar í Green Bay Packers er nú búnir að vinna sex leiki í röð eftir stóra skellinn í fyrsta leik. Green Bay vann 24-10 sigur á Washington í gær. Stóra prófið er á fimmtudaginn þegar þeir mæta toppliði Arizona Cardinals.