Fótbolti

Æfir með Arnóri bróður í Feneyjum

Sindri Sverrisson skrifar
ÍA hefur hagnast um tugi milljóna króna vegna Arnórs Sigurðssonar og yngri bróðir hans, Ingi Þór, gæti einnig verið á leið í atvinnumennsku. Þeir verða saman í Feneyjum næstu dagana.
ÍA hefur hagnast um tugi milljóna króna vegna Arnórs Sigurðssonar og yngri bróðir hans, Ingi Þór, gæti einnig verið á leið í atvinnumennsku. Þeir verða saman í Feneyjum næstu dagana. kfia.is og Getty

Forráðamenn ítalska knattspyrnufélagsins Venezia halda áfram að horfa til Íslands eftir efnivið og nú er Skagamaðurinn ungi Ingi Þór Sigurðsson farinn til æfinga hjá félaginu.

Ingi Þór, sem er aðeins 17 ára, lék átta leiki í Pepsi Max-deildinni í sumar og skoraði tvö mörk. Hann lék fimm deildarleiki í fyrra.

Ingi er bróðir landsliðsmannsins Arnórs Sigurðssonar sem er að láni hjá Venezia í vetur frá rússneska félaginu CSKA Moskvu.

Auk Arnórs er Bjarki Steinn Bjarkason leikmaður aðalliðs félagsins, sem leikur í efstu deild, en Óttar Magnús Karlsson var lánaður frá Venezia til C-deildarliðs Siena út þessa leiktíð.

Á þessu ári hafa þrír ungir Íslendingar farið til Venezia til að spila þar með U19-liði félagsins. Jakob Franz Pálsson kom frá Þór í febrúar, fyrst að láni en var svo keyptur í sumar. Hilmir Rafn Mikaelsson var fenginn frá Fjölni í sumar og Kristófer Jónsson, fyrrverandi leikmaður Hauka, að láni frá Val fram á næsta sumar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.