Fótbolti

Stúka hrundi undan fagnaðar­látum stuðnings­manna

Hjörtur Leó Guðjónsson skrifar
Stuðningsmönnum Vitesse brá heldur betur í brún þegar stúkan hrundi undan þeim.
Stuðningsmönnum Vitesse brá heldur betur í brún þegar stúkan hrundi undan þeim. Laurens Lindhout/Soccrates/Getty Images

Betur fór en á horfðist þegar hluti stúkunnar hrundi undan fagnaðarlátum stuðningsmanna Vitesse eftir 1-0 sigur liðsins gegn NEC Nijmegen í hollensku úrvalsdeildinni í gær.

Eftir að lokaflautið gall fóru leikmenn Vitesse að stuðningsmönnum sínum þar sem að mikil fagnaðarlætu brutust út. Leikmenn og stuðningsmenn hoppuðu í takt til að fagna sigri liðsins.

Það fór ekki betur en svo að hluti stúkunnar hrundi undan stuðningsmönnunum, en heimildir herma að enginn hafi slasast.

Borgarstjóri Nijmegen, Hubert Bruls, hefur kallað eftir rannsókn á málinu, og segist vera í áfalli eftir atvikið.

„Eftir því sem ég best veit, þá slasaðist sem betur fer enginn,“ sagði Bruls í samtali við hollenska blaðið De Telegraf. „En ég vill að málið verði rannsakað og að við komumst að því hvað gerðist sem fyrst.“

Atvikið má sjá hér fyrir neðan, en þar má sjá að þegar stuðningsmennirnir hafa áttað sig á því hvað gerðist, halda fagnaðarlætin áfram sem gefur vísbendingu um það að allir hafi komið heilir út úr þessu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.