Innlent

Rýma sveita­bæi í Út­kinn vegna úr­komu og skriðu­hættu

Tryggvi Páll Tryggvason skrifar
Mikil úrkoma hefur verið á svæðinu undanfarna daga.
Mikil úrkoma hefur verið á svæðinu undanfarna daga. Getty

Ríkislögreglustjóri hefur lýst yfir óvissutigi á Tröllaskaga vegna úrkomu á Norðurlandi eystra. Nokkrir sveitabæir í Þingeyjarsveit hafa verið rýmdir vegna úrkomu og skriðuhættu.

Í tilkynningu frá Almannavörnum segir að hættustig sé í gildi í Kinn og Útkinn í Þingeyjarsveit vegna úrkomu og skriðuhættu.

Tekin hefur verið ákvörðun um að rýma fimm bæi í Útkinn: Björg, Ófeigsstaði, Rangá, Engihlíð og Þóroddsstaði.

Mikil úrkoma hefur verið á Norðurlandi í dag og mun svo vera áfram til morguns. Veginum í Útkinn frá gatnamótum við Norðausturveg hefur verið lokað vegna aurskriðna sem þar hafa fallið.

Gular viðvaranir eru í gildi á Norðurlandi eystra, Norðurlandi vestra og á Ströndum vegna talsverðrar eða mikillar úrkomu. Gilda þær til miðnættis í nótt.

Þá hafa borist upplýsingar um grjóthrun á Siglufjarðarvegi í Almenningum vestan Siglufjarðar og eru vegfarendur beðnir um að hafa varann á séu þeir á leið þar um.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×