Segir Ísak Bergmann hafi valið rétt og að FCK muni græða: „Munu selja hann fyrir hærri upphæð en þeir greiddu“ Runólfur Trausti Þórhallsson skrifar 2. september 2021 12:02 Ísak Bergmann í leik með íslenska landsliðinu. DeFodi Images/Getty Images Ísak Bergmann Jóhannesson, einn eftirsóttasti og efnilegasti leikmaður Svíþjóðar, samdi við FC Kaupmannahöfn á dögunum. Sænski miðillinn Sportbladet fór ofan í saumana á því hvernig einn eftirsóttasti leikmaður efstu deildar endaði í Danmörku. „Fyrst Danir geta selt leikmenn fyrir 100 til 200 milljónir sænskra króna þá ættu sænsk lið að geta það líka,“ segir í upphafi greinar Sportbladet um sölu Ísaks Bergmanns. Nafni hans, Alexander Isak, er nefndur sem undantekningin sem sannar regluna. Sá leikur í dag með Real Sociedad á Spáni. Jonathan Levi, fyrrum samherji Ísaks Bergmanns hjá Norrköping, var viss um að Skagamaðurinn ungi yrði seldur á metfé. „Ég vona, og trúi, að við sjáum nýtt met. Hann ætti að vera seldur fyrir meira en 100 milljónir sænskra króna. Hann er ótrúlegur leikmaður og persónuleiki,“ sagði Levi í viðtali við Sportbladet í október á síðasta ári. Sænski miðillinn ákvað að leita svara við þeirri spurningu hvernig einn eftirsóttasti leikmaður Svíþjóðar endaði í Danmörku. Til þess fengu þeir Norðmanninn Stig Torbjörnsen í viðtal. Sá starfar fyrir Norrköping og hefur mótað innkaupastefnu liðsins undanfarin ár. Hann er því ein helsta ástæða þess að fjöldi Íslendinga er á mála hjá félaginu. Ákveðið stigveldi innan Norðurlanda „Það dreymir öllum um að fá gull og græna skóga fyrir leikmenn sína. Það er samt ákveðið stigveldi innan Norðurlanda og fólk þarf að átta sig á því. Í Noregi eru góðir leikmenn seldir fyrir rúmlega 20-25 milljónir sænskra króna. Í Svíþjóð eru leikmenn seldir á 30 til 60 milljónir sænskra króna en í Danmörku eru félög að selja leikmenn fyrir 100, 150 eða jafnvel 200 milljónir sænskra króna,“ segir Torbjörnsen. Ein sænsk króna eru 14,82 íslenskar krónur á núverandi gengi. Ísak Bergmann var seldur á rúmlega 50 milljónir sænskra króna eða nokkuð yfir 700 milljónir íslenskra króna. Miðað við það sem Torbjörnsen segir geta dönsk félög selt leikmenn á vel yfir milljarð íslenskra króna. Mohamed Daramy er nefndur sem dæmi en Ajax keypti hann á fyrir rúmlega 150 milljónir sænskra króna í sumar. Þá fór Kamaldeen Sulemana frá Nordsjælland til Rennais í Frakklandi fyrir allt að 200 milljónir sænskra króna. Torbjörnsen segir það einfaldlega vera upphæðir sem sjáist ekki í Svíþjóð. Danmörk á toppnum „Danmörk er einfaldlega betri knattspyrnuþjóð heldur en hinar Norðurlandaþjóðirnar,“ sagði Torbjörnsen og andvarpaði. Svíþjóð er í öðru sæti og þar á eftir kemur Noregur bætti hann svo við. Hann bendir einnig á að danska A og U-21 árs landsliðið ásamt stærstu liðum Danmerkur séu einfaldlega í öðrum gæðaflokki en önnur lið á Norðurlöndunum. Þar skiptir sköpum að erlendir fjárfestar sem og ríkir einstaklingar heima fyrir geti fjárfest í félögunum og í raun stýrt þeim. „Danir eru með fjögur lið í Evrópukeppnunum þremur. Svíþjóð og Noregur eru með eitt hvort. Fólk blótar því að við höfum selt Ísak Bergmann til Kaupmannahafnar en FCK hefur verið í Evrópu nær statt og stöðugt í 15 til 20 ár. Malmö á skilið mikið hrós fyrir afrek sín en önnur lið í sænsku úrvalsdeildinni eru ekki á þeim stað.“ "Hade inte sålt honom för 30 miljoner"https://t.co/1Y11gda2FS— Sportbladet (@sportbladet) September 1, 2021 Torbjörnsen gagnrýndi einnig blaðamenn fyrir fréttaflutning sinn. Það að stórlið Evrópu hafi mætt og fylgst með Ísaki Bergmanni þýðir ekki að hann hafi verið á leið þangað fyrir fúlgur fjár. „Njósnarar stærstu liða Evrópu heimsækja öll stórliðin á Norðurlöndunum. Þau vilja fá staðfestingu á því hvort leikmenn séu jafn góðir og orðrómarnir segja til um. Ef leikmaður á svo slakan leik þegar njósnarinn mætir fara þeir bara í „Áhugaverðir leikmenn“ möppuna. Það er mjög langur vegur frá því að njósnari komi á leik og þangað til leikmaður er seldur.“ Segir Ísak Bergmann hafa valið rétt „Ég skil að stuðningsfólk vilji selja leikmenn fyrir eins háa upphæð og mögulegt er. En hvað ef þau tilboð koma ekki, hvað gerist þá? Fólk var að spyrja sig af hverju hann fór ekki til Chelsea en fyrir leikmann á borð við Ísak Bergmann er betra að fara í smærra lið á þessum tímapunkti.“ „Holland er góður kostur en FC Kaupmannahöfn er klárlega betri kostur. Félagið er mun betra og stærra en flest félög Hollands fyrir utan stórliðin. FCK vinnur Groningen í sjö af tíu skiptum og spilar næstum alltaf í Evrópu.“ „FCK mun selja hann fyrir hærri upphæð en þeir borguðu okkur. Þannig virkar stigveldið.“ Norðmaðurinn Jens Petter Hauge er nefndur á nafn í tengslum við sölur leikmanna frá Norðurlöndunum. Hann fór frá Bodø/Glimt til AC Milan á 40 milljónir sænskra króna. Hann fékk lítið að spila í Mílanó og var á endanum seldur til þýska úrvalsdeildarfélagsins Eintracht Frankfurtá 120 milljónir sænskra króna. Torbjörnsen nefnir einnig hvernig leikmenn frá Afríku fara nær aldrei beint til stórliða í Evrópu. Kamaldeen Sulemana verandi nýjasta dæmið en hann kemur frá Ghana. „Stórliðin hafa efni á því að bíða, svo þegar leikmaðurinn hefur sýnt sig og sannað þá eru þau tilbúin að fjárfesta í þeim.“ Norrköping er góður stökkpallur Þó Norrköping geti ekki selt leikmenn á sama verði og félög í Danmörku þá er félagið góður stökkpallur fyrir leikmenn sem vilja ná lengra á sínum ferli. Á undanförnum árum hefur félagið verið duglegt að selja leikmenn fyrir 30-50 milljónir sænskra króna. Leikmenn á borð við Arnór Sigurðsson (Venezia, á láni frá CSKA Moskvu), Pontus Almqvist (Rostov), Niclas Eliasson (Nîmes), Jordan Larsson (Spartak Moskva) og Sead Hakšabanović (Rubin Kazan) hafa allir verið seldir út fyrir landsteinana. Allir nema Eliasson fóru frá Norrköping til Rússlands. „Þetta er ekki heppni. Við höfum skapað ákveðna ímynd hjá Norrköping. Við seljum leikmenn fyrir slíkar upphæðir því við sækjum leikmenn sem við teljum að verði góðar söluvörur þegar fram líða stundir. Þó það sé jákvætt þá vinnum við innan ákveðins stigveldi. Það er ákveðið þak á þeirri upphæð sem við getum fengið fyrir leikmennina okkar.“ Langt í land Það er enn töluvert í að sænsk félög geti selt leikmenn fyrir jafn háar upphæðir og gengur og gerist í Danmörku. „Okkur dreymir um að ná Danmörku en það er ekki svo auðvelt, hvorki fyrir okkur né Noreg. Verð leikmanna í Danmörku mun hækka í framtíðinni, félög þar í landi gætu selt leikmann fyrir 250 milljónir á meðan við getum selt fyrir 80 milljónir. Munurinn á milli deildanna mun því áfram vera sá sami,“ sagði Torbjörnsen að lokum í ítarlegu viðtali sínu við Sportbladet í Svíþjóð. Fótbolti Danski boltinn Sænski boltinn Mest lesið Barnshafandi eftir langt ferli sem tók á andlega Íslenski boltinn Dæmd í bann eftir að ljúga til um krabbamein til að sleppa við bann Sport Einar Árni hættur hjá Hetti Körfubolti Segir að Ten Hag sé búinn að vera Enski boltinn Losnar stjarna Aþenu úr frystiklefa Brynjars Karls? Körfubolti „Mér fannst ódýrt af Arnari að bera þetta saman“ Íslenski boltinn Kári Vagn náði níu pílna leik og stefnir á Ally Pally Sport Fannst Pogba týna sjálfum sér eftir að hann varð heimsmeistari Enski boltinn Forest vill hljóðupptöku dómaraherbergins frá leiknum gegn Everton Enski boltinn Viðar Örn: Stoltur af liðinu fyrir að skilja allt eftir á gólfinu Körfubolti Fleiri fréttir „Sýna að þetta sé Chelsea FC en ekki Cole Palmer FC“ „Mér fannst ódýrt af Arnari að bera þetta saman“ Fannst Pogba týna sjálfum sér eftir að hann varð heimsmeistari Barnshafandi eftir langt ferli sem tók á andlega Segir að Ten Hag sé búinn að vera Forest vill hljóðupptöku dómaraherbergins frá leiknum gegn Everton „Karakter í mínum stelpum, þær gáfust aldrei upp“ „Þetta fór svolítið mikið yfir á þeirra forsendur“ Uppgjörið: Fylkir - Þróttur 1-1 | Nýliðarnir björguðu stigi undir lokin Inter Ítalíumeistari eftir sigur á nágrönnum sínum í AC Milan „Sé okkur ekkert þurfa að elta þær“ Uppgjörið: Breiðablik - Keflavík 3-0 | Öruggt í fyrsta heimaleik nýja þjálfarans Uppgjör, viðtöl og myndir: Stjarnan - Víkingur 1-2 | Nýliðarnir byrja á sigri Glódís Perla og stöllur enn taplausar á toppnum Uppgjör og viðtöl: Tindastóll - FH 0-1 | Hafnfirðingar byrja á sigri Bologna styrkti stöðu sína í fjórða sæti Ólafur frá næstu vikurnar Á barmi gjaldþrots og Ásdís gæti misst fríar máltíðir Var sagður taka við Liverpool en hefur rætt við West Ham Gæti krafist þess að El Clásico verði endurtekinn vegna draugamarks Helena skiptir um lið í fyrstu umferð „Maður vill ekki fara að vorkenna þeim“ „Kem því ekki í orð hversu léleg frammistaðan var“ Sjáðu sýningu Amöndu gegn Akureyringum Finnur Arnar fyrir pressunni? „Þjálfari félags sem svífst einskis til að ná árangri“ Sjáðu mörkin úr stórleiknum, öðrum stórsigri ÍA í röð og sögulegum sigri Vestra Hjólaði alla leið frá Mongólíu til að sjá United spila Antony gagnrýndur fyrir fagnið Xavi aftur brjálaður: „Þetta er til skammar og við ætlum ekki að þegja“ „Úrslitin kostuðu Ten Hag starfið“ Sjá meira
„Fyrst Danir geta selt leikmenn fyrir 100 til 200 milljónir sænskra króna þá ættu sænsk lið að geta það líka,“ segir í upphafi greinar Sportbladet um sölu Ísaks Bergmanns. Nafni hans, Alexander Isak, er nefndur sem undantekningin sem sannar regluna. Sá leikur í dag með Real Sociedad á Spáni. Jonathan Levi, fyrrum samherji Ísaks Bergmanns hjá Norrköping, var viss um að Skagamaðurinn ungi yrði seldur á metfé. „Ég vona, og trúi, að við sjáum nýtt met. Hann ætti að vera seldur fyrir meira en 100 milljónir sænskra króna. Hann er ótrúlegur leikmaður og persónuleiki,“ sagði Levi í viðtali við Sportbladet í október á síðasta ári. Sænski miðillinn ákvað að leita svara við þeirri spurningu hvernig einn eftirsóttasti leikmaður Svíþjóðar endaði í Danmörku. Til þess fengu þeir Norðmanninn Stig Torbjörnsen í viðtal. Sá starfar fyrir Norrköping og hefur mótað innkaupastefnu liðsins undanfarin ár. Hann er því ein helsta ástæða þess að fjöldi Íslendinga er á mála hjá félaginu. Ákveðið stigveldi innan Norðurlanda „Það dreymir öllum um að fá gull og græna skóga fyrir leikmenn sína. Það er samt ákveðið stigveldi innan Norðurlanda og fólk þarf að átta sig á því. Í Noregi eru góðir leikmenn seldir fyrir rúmlega 20-25 milljónir sænskra króna. Í Svíþjóð eru leikmenn seldir á 30 til 60 milljónir sænskra króna en í Danmörku eru félög að selja leikmenn fyrir 100, 150 eða jafnvel 200 milljónir sænskra króna,“ segir Torbjörnsen. Ein sænsk króna eru 14,82 íslenskar krónur á núverandi gengi. Ísak Bergmann var seldur á rúmlega 50 milljónir sænskra króna eða nokkuð yfir 700 milljónir íslenskra króna. Miðað við það sem Torbjörnsen segir geta dönsk félög selt leikmenn á vel yfir milljarð íslenskra króna. Mohamed Daramy er nefndur sem dæmi en Ajax keypti hann á fyrir rúmlega 150 milljónir sænskra króna í sumar. Þá fór Kamaldeen Sulemana frá Nordsjælland til Rennais í Frakklandi fyrir allt að 200 milljónir sænskra króna. Torbjörnsen segir það einfaldlega vera upphæðir sem sjáist ekki í Svíþjóð. Danmörk á toppnum „Danmörk er einfaldlega betri knattspyrnuþjóð heldur en hinar Norðurlandaþjóðirnar,“ sagði Torbjörnsen og andvarpaði. Svíþjóð er í öðru sæti og þar á eftir kemur Noregur bætti hann svo við. Hann bendir einnig á að danska A og U-21 árs landsliðið ásamt stærstu liðum Danmerkur séu einfaldlega í öðrum gæðaflokki en önnur lið á Norðurlöndunum. Þar skiptir sköpum að erlendir fjárfestar sem og ríkir einstaklingar heima fyrir geti fjárfest í félögunum og í raun stýrt þeim. „Danir eru með fjögur lið í Evrópukeppnunum þremur. Svíþjóð og Noregur eru með eitt hvort. Fólk blótar því að við höfum selt Ísak Bergmann til Kaupmannahafnar en FCK hefur verið í Evrópu nær statt og stöðugt í 15 til 20 ár. Malmö á skilið mikið hrós fyrir afrek sín en önnur lið í sænsku úrvalsdeildinni eru ekki á þeim stað.“ "Hade inte sålt honom för 30 miljoner"https://t.co/1Y11gda2FS— Sportbladet (@sportbladet) September 1, 2021 Torbjörnsen gagnrýndi einnig blaðamenn fyrir fréttaflutning sinn. Það að stórlið Evrópu hafi mætt og fylgst með Ísaki Bergmanni þýðir ekki að hann hafi verið á leið þangað fyrir fúlgur fjár. „Njósnarar stærstu liða Evrópu heimsækja öll stórliðin á Norðurlöndunum. Þau vilja fá staðfestingu á því hvort leikmenn séu jafn góðir og orðrómarnir segja til um. Ef leikmaður á svo slakan leik þegar njósnarinn mætir fara þeir bara í „Áhugaverðir leikmenn“ möppuna. Það er mjög langur vegur frá því að njósnari komi á leik og þangað til leikmaður er seldur.“ Segir Ísak Bergmann hafa valið rétt „Ég skil að stuðningsfólk vilji selja leikmenn fyrir eins háa upphæð og mögulegt er. En hvað ef þau tilboð koma ekki, hvað gerist þá? Fólk var að spyrja sig af hverju hann fór ekki til Chelsea en fyrir leikmann á borð við Ísak Bergmann er betra að fara í smærra lið á þessum tímapunkti.“ „Holland er góður kostur en FC Kaupmannahöfn er klárlega betri kostur. Félagið er mun betra og stærra en flest félög Hollands fyrir utan stórliðin. FCK vinnur Groningen í sjö af tíu skiptum og spilar næstum alltaf í Evrópu.“ „FCK mun selja hann fyrir hærri upphæð en þeir borguðu okkur. Þannig virkar stigveldið.“ Norðmaðurinn Jens Petter Hauge er nefndur á nafn í tengslum við sölur leikmanna frá Norðurlöndunum. Hann fór frá Bodø/Glimt til AC Milan á 40 milljónir sænskra króna. Hann fékk lítið að spila í Mílanó og var á endanum seldur til þýska úrvalsdeildarfélagsins Eintracht Frankfurtá 120 milljónir sænskra króna. Torbjörnsen nefnir einnig hvernig leikmenn frá Afríku fara nær aldrei beint til stórliða í Evrópu. Kamaldeen Sulemana verandi nýjasta dæmið en hann kemur frá Ghana. „Stórliðin hafa efni á því að bíða, svo þegar leikmaðurinn hefur sýnt sig og sannað þá eru þau tilbúin að fjárfesta í þeim.“ Norrköping er góður stökkpallur Þó Norrköping geti ekki selt leikmenn á sama verði og félög í Danmörku þá er félagið góður stökkpallur fyrir leikmenn sem vilja ná lengra á sínum ferli. Á undanförnum árum hefur félagið verið duglegt að selja leikmenn fyrir 30-50 milljónir sænskra króna. Leikmenn á borð við Arnór Sigurðsson (Venezia, á láni frá CSKA Moskvu), Pontus Almqvist (Rostov), Niclas Eliasson (Nîmes), Jordan Larsson (Spartak Moskva) og Sead Hakšabanović (Rubin Kazan) hafa allir verið seldir út fyrir landsteinana. Allir nema Eliasson fóru frá Norrköping til Rússlands. „Þetta er ekki heppni. Við höfum skapað ákveðna ímynd hjá Norrköping. Við seljum leikmenn fyrir slíkar upphæðir því við sækjum leikmenn sem við teljum að verði góðar söluvörur þegar fram líða stundir. Þó það sé jákvætt þá vinnum við innan ákveðins stigveldi. Það er ákveðið þak á þeirri upphæð sem við getum fengið fyrir leikmennina okkar.“ Langt í land Það er enn töluvert í að sænsk félög geti selt leikmenn fyrir jafn háar upphæðir og gengur og gerist í Danmörku. „Okkur dreymir um að ná Danmörku en það er ekki svo auðvelt, hvorki fyrir okkur né Noreg. Verð leikmanna í Danmörku mun hækka í framtíðinni, félög þar í landi gætu selt leikmann fyrir 250 milljónir á meðan við getum selt fyrir 80 milljónir. Munurinn á milli deildanna mun því áfram vera sá sami,“ sagði Torbjörnsen að lokum í ítarlegu viðtali sínu við Sportbladet í Svíþjóð.
Fótbolti Danski boltinn Sænski boltinn Mest lesið Barnshafandi eftir langt ferli sem tók á andlega Íslenski boltinn Dæmd í bann eftir að ljúga til um krabbamein til að sleppa við bann Sport Einar Árni hættur hjá Hetti Körfubolti Segir að Ten Hag sé búinn að vera Enski boltinn Losnar stjarna Aþenu úr frystiklefa Brynjars Karls? Körfubolti „Mér fannst ódýrt af Arnari að bera þetta saman“ Íslenski boltinn Kári Vagn náði níu pílna leik og stefnir á Ally Pally Sport Fannst Pogba týna sjálfum sér eftir að hann varð heimsmeistari Enski boltinn Forest vill hljóðupptöku dómaraherbergins frá leiknum gegn Everton Enski boltinn Viðar Örn: Stoltur af liðinu fyrir að skilja allt eftir á gólfinu Körfubolti Fleiri fréttir „Sýna að þetta sé Chelsea FC en ekki Cole Palmer FC“ „Mér fannst ódýrt af Arnari að bera þetta saman“ Fannst Pogba týna sjálfum sér eftir að hann varð heimsmeistari Barnshafandi eftir langt ferli sem tók á andlega Segir að Ten Hag sé búinn að vera Forest vill hljóðupptöku dómaraherbergins frá leiknum gegn Everton „Karakter í mínum stelpum, þær gáfust aldrei upp“ „Þetta fór svolítið mikið yfir á þeirra forsendur“ Uppgjörið: Fylkir - Þróttur 1-1 | Nýliðarnir björguðu stigi undir lokin Inter Ítalíumeistari eftir sigur á nágrönnum sínum í AC Milan „Sé okkur ekkert þurfa að elta þær“ Uppgjörið: Breiðablik - Keflavík 3-0 | Öruggt í fyrsta heimaleik nýja þjálfarans Uppgjör, viðtöl og myndir: Stjarnan - Víkingur 1-2 | Nýliðarnir byrja á sigri Glódís Perla og stöllur enn taplausar á toppnum Uppgjör og viðtöl: Tindastóll - FH 0-1 | Hafnfirðingar byrja á sigri Bologna styrkti stöðu sína í fjórða sæti Ólafur frá næstu vikurnar Á barmi gjaldþrots og Ásdís gæti misst fríar máltíðir Var sagður taka við Liverpool en hefur rætt við West Ham Gæti krafist þess að El Clásico verði endurtekinn vegna draugamarks Helena skiptir um lið í fyrstu umferð „Maður vill ekki fara að vorkenna þeim“ „Kem því ekki í orð hversu léleg frammistaðan var“ Sjáðu sýningu Amöndu gegn Akureyringum Finnur Arnar fyrir pressunni? „Þjálfari félags sem svífst einskis til að ná árangri“ Sjáðu mörkin úr stórleiknum, öðrum stórsigri ÍA í röð og sögulegum sigri Vestra Hjólaði alla leið frá Mongólíu til að sjá United spila Antony gagnrýndur fyrir fagnið Xavi aftur brjálaður: „Þetta er til skammar og við ætlum ekki að þegja“ „Úrslitin kostuðu Ten Hag starfið“ Sjá meira