Fótbolti

Ísak Bergmann til Kaupmannahafnar

Hjörtur Leó Guðjónsson skrifar
Ísak Bergmann Jóhannesson mun leika með FC Kaupmannahöfn í dönsku úrvalsdeildinni næstu fimm ár.
Ísak Bergmann Jóhannesson mun leika með FC Kaupmannahöfn í dönsku úrvalsdeildinni næstu fimm ár. DeFodi Images via Getty Images

Íslenski landsliðsmaðurinn Ísak Bergmann Jóhannesson er genginn í raðir FC Kaupmannahafnar í dönsku úrvasdeildinni frá sænska liðinu Norrköping.

Kaupmannahafnarliðið greinir frá þessu á Twitter síðu sinni, en Ísak skrifar undir samning til ársins 2026.

Þessi 18 ára gamli leikmaður hefur vakið mikla athygli fyrir frammistöðu sína í Svíþjóð, og á tímabili var hann orðaður við evrópska risa á borð við Liverpool, Manchester United og Real Madrid.

Ísak er þessa stundina að taka þátt í landsliðsverkefni með íslenska A-landsliðinu sem mætir Rúmenum, Norður-Makedónum og Þjóðverjum í undankeppni HM á næstu dögum. Að þeim leikjum loknum flytur Ísak til Kaupmannahafnar.

Ísak er fjórði Íslendingurinn í herbúðum FC Kaupmannahafnar, en þar eru fyrir þeir Andri Fannar Baldursson, Hákon Arnar Haraldsson og Orri Steinn Óskarsson.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.