Fótbolti

Andri þreytti frumraun sína með FCK - Jafnt í Íslendingaslag

Arnar Geir Halldórsson skrifar
Andri Fannar Baldursson með treyju FCK.
Andri Fannar Baldursson með treyju FCK. fck.dk

Fjórir íslenskir knattspyrnumenn voru í eldlínunni í dönsku úrvalsdeildinni í fótbolta í dag.

Jón Dagur Þorsteinsson var í byrjunarliði AGF sem tók á móti OB þar sem Aron Elís Þrándarsson var á sínum stað á miðjunni.

Leiknum lauk með 2-2 jafntefli og er AGF enn án sigurs eftir sjö umferðir.

Jón Dagur lék 70 mínútur í fremstu víglínu AGF og Aroni Elís var skipt af velli á 78.mínútu, í stöðunni 2-1 fyrir AGF.

Andri Fannar Baldursson gekk nýverið í raðir danska stórliðsins FCK, að láni frá ítalska úrvalsdeildarliðinu Bologna.

Andri lék sinn fyrsta leik fyrir sitt nýja lið í dag þegar hann kom inn af varamannabekknum á 70.mínútu í 0-4 sigri á Vejle en staðan var 0-3 fyrir FCK þegar Andra var skipt inná.

Kristófer Ingi Kristinsson var í byrjunarliði SonderjyskE sem gerði 2-2 jafntefli við Viborg. Lék Kristófer fyrstu 65 mínútur leiksins en staðan var 1-2 fyrir Viborg þegar Kristófer var skipt af velli.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.