Fótbolti

Lands­liðs­fyrir­liðinn með veiruna

Runólfur Trausti Þórhallsson skrifar
Aron Einar í vináttuleik gegn Póllandi.
Aron Einar í vináttuleik gegn Póllandi. Mateusz Slodkowski/Getty Images

Aron Einar Gunnarsson, fyrirliði íslenska landsliðsins í fótbolta, er með kórónuveiruna. Stutt er í næstu leiki landsliðsins sem verða í undankeppni HM 2022. Óvíst er hvort þetta hafi áhrif á komandi verkefni.

Frá þessu var greint í hlaðvarpsþættinum Dr. Football. Þar kemur fram að Aron Einar sé um þessar mundir fastur inn á hótelherbergi á Spáni þar sem lið hans Al-Arabi er í æfingabúðum. Nokkrir dagar eru síðan Aron Einar greindist og hefur verið í einangrun upp á herbergi síðan þá.

Landsliðshópur Íslands fyrir leikina þrjá á Laugardalsvelli gegn Rúmeníu, Norður-Makedóníu og Þýskalandi verður tilkynntur síðar í vikunni. Leikirnir fara svo fram 2., 5. og 8. september næstkomandi.

Ísland er sem stendur með þrjú stig að loknum þremur leikjum í undankeppninni. Liðið beið lægri hlut gegn Þýskalandi og Armeníu en vann góðan sigur Liechtenstein.

Fótbolti KSÍ Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið