Erlent

Gripið til aðgerða til að flýta brottflutningi fólks

Heimir Már Pétursson skrifar
Biden ræddi stöðuna í Afganistan á blaðamannafundi í Hvíta húsinu í gær.
Biden ræddi stöðuna í Afganistan á blaðamannafundi í Hvíta húsinu í gær. epa/Ken Cedeno

Joe Biden forseti Bandaríkjanna segir að gripið hafi verið til aðgerða til að flýta flutningi flóttafólks frá Afganistan og hafi bandarískar hersveitir útvíkkað öryggissvæði í kring um flugvöllinn í Kabúl í því augnamiði.

BBC segir að í liðinni viku hafi tekist að flytja 28.000 manns á brott. 

Þúsundir Afgana hafa safnast saman í kring um flugvöllinn í þeirra von að komast úr landi og hafa tuttugu manns látist í örtröðinni. 

Stefnt hefur verið að því að ljúka fólksflutningunum fyrir 31. ágúst en Biden sagði á fundi með fjölmiðlum í Hvíta húsinu í gærkvöldi að til greina kæmi að lengja þann frest. 

Aðrir þjóðarleiðtogar hafa þrýst á að Bandaríkjamenn haldi yfirráðum yfir Kabúl-flugvelli lengur, þeirra á meðal Boris Johnson forsætisráðherra Bretlands, til að hægt verði að flytja fleiri á brott. 

Átján farþegaþotur frá flugfélögum eru notaðar til flutninganna ásamt herflutningaflugvélum.

Afganistan Bandaríkin Joe Biden
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið