Innlent

Stór olíu­fláki lagði undir sig Siglu­fjarðar­höfn

Atli Ísleifsson skrifar
Ekki liggur fyrir hvernig olían barst í sjóinn.
Ekki liggur fyrir hvernig olían barst í sjóinn. Slökkvilið Fjallabyggðar

Mikill olíufláki lagði undir sig Siglufjarðarhöfn fyrri part dags í gær. Á myndum má sjá að flekinn var stór að umfangi og hafi hann borist úr innsiglingunni og til hafnar.

Slökkvilið Fjallabyggðar birtir myndir á Facebook-síðu sinni og segir frá aðgerðum gærdagsins, en þar segir að olían hafi borist áfram með hægum vindi og hafstraumi og endað í innri höfninni við flotbryggjurnar sem liggi við Norðurtanga.

„Starfsmenn Fjallabyggðarhafna urðu varir við olíuna og gerðu slökkviliði viðvart.

Aðgerðum við hreinsun lauk ekki fyrr en klukkan 16 í gær.Slökkvilið Fjallabyggðar

Dróni var notaður strax í upphafi til þess að meta umfang mengunarinnar og til þess að átta sig á um hversu stórt svæði væri að ræða.

Þegar olían var komin inn í innri höfnina var ráðist í aðgerðir við að hreinsa sjóinn með aðstoð björgunarsveitarinnar Stráka á Siglufirði. Til þess var notaður mengunarvarnarbúnaður og uppsogsefni en léttabátur björgunarsveitarinnar var notaður til þess að leggja út flotgirðingu sem kom í veg fyrir frekari dreifingu.

Olían barst áfram með hægum vindi og hafstraumi og endaði í innri höfninni við flotbryggjurnar sem liggi við Norðurtanga.Slökkvilið Fjallabyggðar

Aðgerðir slökkviliðs, starfsmanna Fjallabyggarhafna og björgunarsveitar tóku drjúga stund og lauk á fjórða tímanum í gær.

Ekki liggur fyrir hvernig olían barst í sjóinn,“ segir í færslunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.