Innlent

Ferðir á leiðum 19 og 31 falla niður vegna smita og sótt­kvíar

Atli Ísleifsson skrifar
Óvænt mannekla hjá einu verktakafyrirtæki sem starfar fyrir Strætó veldur því að ferðir falla niður.
Óvænt mannekla hjá einu verktakafyrirtæki sem starfar fyrir Strætó veldur því að ferðir falla niður. Vísir/Vilhelm

Allar ferðir hafa verið felldar niður á leið 31 í dag. Sumar ferðir falla einnig niður fyrir hádegi á leið 19.

Ástæðan fyrir þessu er óvænt mannekla hjá Hagvögnum hf. sem er annar verktakinn sem ekur fyrir Strætó á höfuðborgarsvæðinu.

Frá þessu segir í tilkynningu frá Strætó sem send var á fjölmiðla í morgun. 

„Samkvæmt fyrstu upplýsingum nú í morgun þá smituðust tveir starfsmenn Hagvagna af COVID-19. Í kjölfarið voru 5 vagnstjórar sendir í sóttkví. Við viljum biðja alla viðskiptavini á leiðum 19 og 31 innilega afsökunar á þessum óþægindum.

Við munum upplýsa betur um stöðuna þegar líður á daginn,“ segir í tilkynningunni. 

Leið 19 ferðast milli Kaplakrika og Ásvallalaugar í Hafnarfirði. Leið 31 ferðast milli Gufunesbæjar og Egilshallar í Grafarvogi. 

Uppfært 8:59

Eftirfarandi tilkynning barst frá Strætó skömmu fyrir klukkan níu:

Við sögðum upphaflega að allur akstur falli niður á leið 19 fyrir hádegi. Þetta er ekki rétt, það er einn vagn sem fellur niður á leiðinni. Á venjulegum degi er 5 vagnar sem aka á leið 19 yfir annatímann en þeir eru 4 í dag. Það kunna því nokkrar ferðir að falla niður en ekki allar.

Samkvæmt upplýsingum frá Hagvögnum ættu ekki að verða nein afföll yfir helgina en nokkur óvissa er um mánudaginn. Staðan verður metin frá degi til dags.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.