Innlent

Búast megi við að 0,5 prósent full­bólu­settra sem smitist þurfi á inn­lögn að halda

Tryggvi Páll Tryggvason skrifar
Þórólfur Guðnason skilaði inn minnisblaðinu í gær en innihald þess kom í ljós nú í kvöld.
Þórólfur Guðnason skilaði inn minnisblaðinu í gær en innihald þess kom í ljós nú í kvöld. Vísir

Þórólfur Guðnason sóttvarnalæknir segir að búast megi við því að allt að 0,5 prósent þeirra sem séu fullbólusettir og muni smitast af Covid-19 þurfi á sjúkrahúsinnlögn að halda. Um þrjátíu þúsund einstaklingar eldri en sextán ára hafa ekki verið bólusettur.

Þetta er á meðal þess sem kemur fram í minnisblaði Þórólfs sem hann sendi heilbrigðisráðherra í gær. Minnisblaðið er grundvöllur hertra sóttvarnaraðgerða sem ríkisstjórnin samþykkti fyrr í kvöld að taki gildi á miðnætti annað kvöld.

Í minnisblaðinu kemur fram að 67 prósent þeirra sem hafi smitast frá því að takmörkunum var aflétt um síðustu mánaðamóti hafi verið fullbólusettir. Tveir hafi þurft á innlögn að halda, annar vegna alvarlegrar lungnasýkingar, hinn vegna ofþornunar, báðir fullbólusettir.

Öll smitin sem greinst hafa að undanförnu eru af delta-afbrigði veirunnar sem virðist smita hraðar en önnur einkenni.

Í minnisblaðinu kemur einnig fram að erlendar upplýsingar sýni að þau bóluefni sem notuð er á Íslandi virðist vernda um sextíu prósent fullbólusettra gegn hvers konar smiti af völdum delta afbrigðis veirunnar og yfir níutíu prósent gegn alvarlegum veikindum. Nýjar upplýsingar frá Ísrael bendi hins vegar til þess að vern bóluefnis Pfizer geti verið enn minni, bæði gegn öllu smiti og alvarlegum veikindum.

Til þess hafa fimm prósent smitaðra þurft á sjúkrahúsvist að halda

Þá kemur einnig fram að á Íslandi hafa til þessa um fimm prósent þeirra sem greinst hafa með COVID-19 þurft á sjúkrahúsvist að halda. Sé spítalainnlögn notuð sem mælikvarði á alvarleg veikindi megi búast við að fullbólusetning muni fækka sjúkrahúsinnlögnum í allt að 0,5 hjá bólusettum sem smitast. Þetta hlutfall geti þó verið hærra.

„Þó að þetta hlutfall sé lágt þá getur það leitt til mikils fjölda innlagna ef smit verður útbreitt. Þá ber að nefna að umtalsverður fjöldi einstaklinga eldri en 16 ára hefur ekki verið bólusettur eða um 30.000 manns, auk flestra barna yngri en 16 ára en sá hópur telur um um 73.000 manns,“ segir í minnisblaðinu.

Þannig geti mikill fjöldi nýgreindra smita undanfarna daga leitt til þess að yfirvofandi sé fjöldi innlagna gegn Covid-19, auk þess sem að hafa þurfi í huga að virkni bóluefna sé ekki vel þekkt hjá eldri einstaklingum og þeim sem eru með undirliggjandi sjúkdóma eða ónæmisvandamál.

Stefnt að öðrum skammti af Jansen og þriðja skammti hjá þeim sem eru með undirliggjandi ónæmisvandamál

Sóttvarnalæknir stefnir einnig að því að bjóða þeim sem bólusettir hafa verið með bóluefni Janssen seinni bólusetningu í águstmánuði.

Þó markaðsleyfi sé fyrir einum skammti þessa bóluefnis þá sé líklegt að skammt tvö þurfi til að veita betri vörn. Einnig verður einstaklingum með undirliggjandi ónæmisvandamál boðin þriðji skammtur bóluefnis. Líklegt sé  að tveir skammtar veiti ekki nægilega góða vörn gegn COVID-19 hjá þessum hópi.

Minnisblað Þórólfs má lesa hér.


Tengdar fréttir

„Mikil vinna orðin að engu – annað árið í röð“

Unglingalandsmóti Íslands, ein fjölmennasta hátíð sem haldin er um verslunarmannahelgi ár hvert hefur verið frestað. Geysileg vonbrigði segir formaður framkvæmdanefndar mótsins. Mótið átti að vera haldið á Selfossi í ár.

Katrín: Algjör samstaða um þessa niðurstöðu

Katrín Jakobsdóttir forsætisráðherra segir að með nýjum hertum aðgerðum innnanland sé verið að reyna að tempra fjölgun smita hér á landi. Algjör samstaða hafi verið innan ríkisstjórnarinnar um þær aðgerðir sem farið verður í.

Bjarni: Þetta er varúðarráðstöfun

Bjarni Benediktsson, fjármálaráðherra og formaður Sjálfstæðisflokksins, segir að þær sóttvanraraðgerðir sem taka gildi á miðnætti annað kvöld séu varúðarráðstafanir. Hann blæs á það að einhver óánægja sé innan raða Sjálfstæðismanna með hertar aðgerðir innanlands.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.