Innlent

Fimm hross týnd á fjöllum í rúma viku

Samúel Karl Ólason skrifar
Hér má sjá þrjú af hrossunum fimm sem týndust.
Hér má sjá þrjú af hrossunum fimm sem týndust.

Fimm hross sem fældust og hlupu á fjöll hafa verið týnd í rúma viku. Hrossin týndust skammt frá Gatfelli á Uxahryggjaleið, suðvestur af Skjaldbreið, á þriðjudagsmorgun í síðustu viku.

Guðrún Jónsdóttir, sem á hrossin, segir í samtali við Vísi að búið sé að leita að þeim úr lofti en án árangurs. Hún segist í þeirri trú að hrossin væru í afréttum Biskupstunga.

Fjögur hrossanna eru vön langferðum og Guðrún segir svæðið sem hrossin geta mögulega verið á vera mjög stórt.

Í frétt Eiðfaxa frá því á mánudaginn segir að spor sem talin eru hafa verið eftir hrossin hafi fundist við Tindaskaga. Samkvæmt þeim hafi hrossin verið í norðurátt.

Hrossin styggðust við Gatfell og spor fundust við Tindaskaga. Guðrún segist telja líklegast að hrossin séu í afréttum Biskupstunga.Loftmyndir

Guðrún, sem býr í Flóa, segir þó að hross leiti oftast nær heim og fari í þá átt sem heima er.

Því vill hún biðla til landeigenda og annarra í Biskupstungum að hafa augun hjá sér og vera í sambandi við sig ef hrossin sjást.

Tvö hrossanna eru jörp, tvö eru rauð með stjörnu og eitt er bleikálótt.

Verði einhver var við þau er hægt að vera í sambandi við Guðrúnu Jónsdóttur í síma 863-9526.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.