ÍBV í annað sætið eftir sigur á Ísafirði

Eyjamenn duttu út úr bikarnum gegn C-deildarliði ÍR fyrr í vikunni og ætluðu að bæta upp fyrir það neyðarlega tap í dag.

Guðjón Pétur Lýðsson kom ÍBV yfir með frábæru marki á 13. mínútu er hann skoraði nánast frá miðju.

Sito tvöfaldaði forystuna í upphafi síðari hálfleiks og Sito gerði annað mark sitt og þriðja mark Eyjamanna stundarfjórðungi fyrir leikslok. Lokatölur 3-0.

ÍBV er nú í öðru sæti deildarinnar með sextán stig, átta stigum frá toppliði Fram, en með jafn mörg stig og Fram sem er í þriðja sætinu.

Vestri er í sjötta sætinu með tólf stig og var fyrir leik dagsins búið að vinna tvo leiki í röð.