Erlent

Fyrr­verandi for­seti Filipps­eyja fallinn frá

Atli Ísleifsson skrifar
Benigno Aquino var forseti Filippseyja á árunum 2010 til 2016, eða þar til að Rodrigo Duterte var kjörinn forseti.
Benigno Aquino var forseti Filippseyja á árunum 2010 til 2016, eða þar til að Rodrigo Duterte var kjörinn forseti. AP

Benigno Aquino, fyrrverandi forseti Filippseyja, er látinn, 61 árs að aldri. Aquino var forseti landsins á árunum 2010 til 2016.

Aquino missti völdin eftir kosningarnar 2016 þar sem núverandi forseti, Rodrigo Duterte, vann sigur. Í kosningabaráttunni varaði Aquino kjósendur við að sigur Duterte myndi þýða að nýtt „tímabil einræðisstjórnar“ myndi ganga í garð í landinu.

Foreldrar Aquinos eru bæði talin í hóp lýðræðishetja á Filippseyja. Faðir Aquino, Benigno Aquino yngri, var einn harðasti andstæðingur einræðisherrans Ferdinands Marcos sem var þar forseti í 21 ár, frá 1965 til 1986.

Benigno Aquino Jr. var myrtur árið 1983, en eiginkona hans og móðir Benigno Aquino, Corazon Aquino, varð forseti landsins árið 1986 þegar Marcos flúði land. Hún gegndi forsetaembættinu í sex ár, frá 1986 til 1992.

Ekki liggur fyrir hvað hafi dregið Benigno Aquino til dauða.

Filippseyjar Andlát
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið