Beinin sem fundust í Húnavatnssýslu ekki úr manni

Hallgerður Kolbrún E. Jónsdóttir skrifar 15. júní 2021 16:19

Runólfur Þórhallsson, formaður kennslanefndar ríkislögreglustjóra, segir að ekki hafi verið um mannabein að ræða. Vísir/Arnór

Bein sem fundust í fjöru á Skaga í Húnavatnssýslu síðdegis í gær reyndust ekki vera mannabein. Talið var að um bein úr handleggi manns væri að ræða en svo reyndist ekki. Þetta staðfestir Runólfur Þórhallsson, formaður kennslanefndar ríkislögreglustjóra, í samtali við fréttastofu.

„Jú, það var staðfest að þetta eru ekki mannabein,“ segir Runólfur.

Hann segir ekki ljóst úr hvers konar dýri beinin eru en telur líklegt að þetta séu bein úr selshræi.

„Afturhreifinn er ansi líkur handleggsbeinum úr manni. Það er ekki óalgengt að bæði bein úr stórum álftum og selshræjum séu mistekin sem mannabein.“

Lögreglumál

Tengdar fréttir

Mannabein fundust í fjöru í Húnavatnssýslu

Íbúi á Skaga í Húnavatnssýslu fann eftir hádegi í gær bein sem talin eru vera úr manni. Lögregla og björgunarsveitir voru kallaðar til og fór ítarleg leit fram á svæðinu í kring en ekkert fleira fannst sem talið er geta tengst beininu.

15. júní 2021 10:53

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.