Willum Þór kom inn af bekknum og tryggði BATE sigur

Willum Þór kom inn um miðjan síðari hálfleik en þá var staðan 2-1 Brest í vil. Skömmu eftir að íslenski miðjumaðurinn kom inn af bekknum þá jafnaði BATE metin. 

Þegar sjö mínútur voru eftir af venjulegum leiktíma skoraði Willum þriðja mark BATE og reyndist það sigurmark leiksins.

Lokatölur 3-2 BATE í vil og liðið nú komið upp í 3. sæti deildarinnar, sjö stigum á eftir toppliði Shakhtyor Soligorsk en síðarnefnda liðið hefur unnið alla níu leiki sína til þessa.

Þá spilaði Rúnar Már Sigurjónsson 66 mínútur í liði Cluj er liðið vann 3-1 sigur á Univ. Craiova í rúmensku úrvalsdeildinni. Cluj trónir á toppi deildarinnar með 48 stig, fjórum stigum meira en FCSB sem er í 2. sæti.