Fótbolti

Ólafur rekinn frá Esbjerg

Anton Ingi Leifsson skrifar
Ólafur á hliðarlínunni í leik gegn Viborg fyrr á leiktíðinni.
Ólafur á hliðarlínunni í leik gegn Viborg fyrr á leiktíðinni. Lars Ronbog/Getty

Ólafur Kristjánsson hefur verið sagt upp störfum hjá danska B-deildarfélaginu Esbjerg en félagið staðfesti þetta í kvöld.

Ólafur tók við Esbjerg síðasta sumar er hann yfirgaf FH og tók við danska liðinu, sem hafði fallið úr dönsku úrvalsdeildinni.

Stefnan var sett á dönsku úrvalsdeildina á nýjan leik og fór Esbjerg vel af stað en eftir vetrarpásuna fór að halla undan fæti.

Eftir tap gegn Fredericia í kvöld var ljóst að Esbjerg myndi ekki ná sæti í efstu deild á nýjan leik og því var Ólafi sagt upp störfum.

Kjartan Henry Finnbogason og Andri Rúnar Bjarnason eru á mála hjá Esbjerg en þrír leikir eru eftir af leiktíðinni í Danmörku.




Fleiri fréttir

Sjá meira


×