Íslenski boltinn

Djogatovic í KA og má mæta KR í kvöld

Sindri Sverrisson skrifar
Vladan Djogatovic hefur varið mark Grindavíkur síðustu tvö ár.
Vladan Djogatovic hefur varið mark Grindavíkur síðustu tvö ár. vísir/bára

KA hefur fengið markvörðinn Vladan Djogatovic að láni frá Grindavík til að fylla í skarðið sem myndaðist þegar Kristijan Jajalo meiddist.

Djogatovic er kominn með leikheimild með KA og gæti því staðið í markinu í leiknum gegn KR í Vesturbænum í kvöld.

Djogatovic, sem er 36 ára gamall, hefur varið mark Grindavíkur síðustu tvær leiktíðir. Svo forvitnilega vill til að í vetur fékk Grindavík markvörðinn Aron Dag Birnuson frá KA. Djogatovic fer nú í hina áttina.

Djogatovic lék allan sinn feril í Serbíu áður en hann kom til Grindavíkur fyrir tveimur árum.

Jajalo er handleggsbrotinn og verður því frá keppni næstu mánuði.

Steinþór Már Auðunsson varði mark KA í fyrsta leik tímabilsins í Pepsi Max-deildinni, í markalausu jafntefli við HK um síðustu helgi.

Leikur KR og KA hefst kl. 18 í kvöld og er í beinni útsendingu á Stöð 2 Sport 4.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.